Путинмен кездескен соң бірден қоңырау шалды: Назарбаев Өзбекстан президентіне не айтты?

Қазақстанның экс-президенті Нұрсұлтан Назарбаев Өзбекстан президенті Шавкат Мирзиёевпен телефон арқылы сөйлесті, деп хабарлайды Arasha.kz.

Өзбекстан президентінің баспасөз қызметінің жазуынша, телефон әңгімесі барысында тараптар бір-бірін келе жатқан Жаңа жыл мерекесімен құттықтаған. Сонымен қатар Қазақстан мен Өзбекстан арасындағы достық қарым-қатынастың қазіргі таңда жоғары деңгейге көтерілгені атап өтілді.

Әңгіме барысында екі ел арасындағы стратегиялық әріптестік, тату көршілік және одақтастық байланыстардың берік орныққанына ерекше назар аударылған. Сондай-ақ барлық негізгі бағыттар бойынша екіжақты ынтымақтастықтың қарқынды дамып келе жатқаны айтылды.

Айта кетейік, бұған дейін, бір күн бұрын, Нұрсұлтан Назарбаев Ресей президенті Владимир Путинмен Мәскеудегі Кремльде кездесу өткізген болатын.