“Қайрат” алғашқы ұпайы үшін қанша сыйақы алады?

Алматылық «Қайраттың» Чемпиондар лигасының жалпы кезеңіндегі алғашқы ұпайы үшін қанша табыс тапқаны белгілі болды, деп хабарлайды Вестi.кз.

Үшінші турда алматылықтар өз алаңында кипрлік «Пафоспен» 0:0 есебімен тең түсті. Айта кетейік, қонақтар төртінші минуттан бастап Жоау Корреяның алаңнан қуылуына байланысты бір ойыншымен кем ойнады. Осы нәтиже үшін «Қайрат» 700 мың еуро сыйақы алады. Ал турнирдегі жеңіс УЕФА тарапынан 2,1 миллион еуроға бағаланады.

Бұған қоса, Чемпиондар лигасының негізгі кезеңіне жолдама алғаны үшін-ақ «Қайратқа» 18,62 миллион еуро көлемінде төлем кепілдендірілген болатын.

Еске салайық, алғашқы турда Рафаэль Уразбахтин жаттықтыратын команда сырт алаңда португалиялық «Спортингке» 1:4 есебімен есе жіберсе, екінші ойында өз алаңында мадридтік «Реалдан» 0:5 есебімен ұтылды.

Бір ұпаймен «Қайрат» қазіргі уақытта Чемпиондар лигасының жалпы кестесінде 33-орында тұр.

«Қайраттың» Чемпиондар лигасындағы алдағы матчтары:

? 6 қараша: «Интер» – «Қайрат» (01:00)

? 26 қараша: «Копенгаген» – «Қайрат» (22:45)

? 9 желтоқсан: «Қайрат» – «Олимпиакос» (20:30)

? 20 қаңтар: «Қайрат» – «Брюгге» (20:30)

? 29 қаңтар: «Арсенал» – «Қайрат» (01:00)

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport