Қамшыбек Тәшиевке Қырғызстанда билікті күшпен басып алу айыбы тағылды

Қырғызстан Мемлекеттік ұттық қауіпсіздік комитетінің бұрынғы төрағасы Қамшыбек Тәшиевке ҚР Қылмыстық кодексінің екі бабы бойынша айып тағылды. Бұл туралы адвокат Икрамидин Айткуловқа сілтеме жасаған қырғызстандық БАҚ жазды, деп хабарлайды Tengrinews.kz.

Қырғызстан Мемлекеттік ұттық қауіпсіздік комитетінің бұрынғы төрағасы Қамшыбек Тәшиевке ҚР Қылмыстық кодексінің екі бабы бойынша айып тағылды. Бұл туралы адвокат Икрамидин Айткуловқа сілтеме жасаған қырғызстандық БАҚ жазды, деп хабарлайды Tengrinews.kz.

БАҚ мәліметінше, Қамшыбек Тәшиевке ҚР ҚК-нің "Билікті күшпен тартып алу немесе билікті күшпен ұстап тұру, сол сияқты конституциялық құрылысты күшпен өзгертуге бағытталған іс-әрекеттер" және "Лауазымдық өкілеттігін асыра пайдалану" баптары бойынша айып тағылып отыр.

Сөз осы баптың 2 және 4-бөлімдері туралы болып отыр: өзі немесе басқа тұлғалар үшін пайда мен артықшылықтар алу мақсатында немесе басқа да жеке мүдделер үшін жасалған іс-әрекет, сондай-ақ жауапты лауазымды атқаратын адам жасаған іс-әрекет.

Тәшиевке қатысты ешқайда кетпеу туралы қолхат түріндегі бұлтартпау шарасы таңдалған. Адвокаттың айтуынша, оның қорғауындағы азамат кінәсін мойындамайды, деп жазады 24.kg.

Бұрынғы бас прокурор Құрманқұл Зулушев пен Парламенттің экс-спикері Нұрланбек Тұрғынбекұлына қатысты жағдай әзірге белгісіз.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Кеше 08:10 1

Бұған дейін қырғызстандық БАҚ бұрынғы жоғары лауазымды шенеуніктерден ІІМ-де екі күн бойы жауап алынғанын хабарлаған болатын.

Еске сала кетейік, ақпан айында 75 адамның Қырғызстан президенті Садыр Жапаров пен Жоғарғы Кеңес төрағасына мерзімінен бұрын президенттік сайлау өткізу туралы үндеу жолдағаны белгілі болған еді.

10 ақпанда Қырғызстан президенті Садыр Жапаров өзінің досы әрі серіктесі Қамшыбек Тәшиевті барлық лауазымынан босатты.

Қырғызстан басшысының баспасөз қызметі мәліметінше, "бұл қадамның басты мақсаты - мемлекет бірлігін нығайту және қоғамдағы, соның ішінде мемлекеттік құрылымдар арасындағы іріткіге жол бермеу". Бұл оқиға Қырғызстан президентіне мерзімінен бұрын сайлау өткізу туралы өтініш жасалған тұста болды. Жапаровтың баспасөз хатшысының айтуынша, Тәшиевтің жақын ортасындағы адамдар депутаттарға қоңырау шалып, оларды "генералдың жағына шығуға" және "президенттің жаңа сайлауын бастауға" үгіттеген.

Ташиевтің отставкасынан кейін күштік блок қайта құрылымдалды: оның орынбасарлары қызметінен айырылды, Шекара қызметі МҰҚК құрылымынан шығарылды, сондай-ақ тікелей президентке бағынатын жаңа Мемлекеттік күзет қызметі құрылды.

Кейінірек қылмыстық іс қозғалды. "75-тің хатына" қол қойғандардың бір бөлігі тергеу изоляторына қамалды. Оларға жаппай тәртіпсіздіктер ұйымдастырды деген айып тағылған.