Қанша қазақстандық ЖҚЕ бұзғаны үшін айыппұлсыз бір жыл өмір сүре алды

Алматы жолдарында жүретін жүргізушілердің жартысынан астамы кейінгі бір жылда жол жүру ережесін бұзғаны үшін бірде-бір айыппұл алмаған, - деп хабарлайды Tengri Auto.

Алматы жолдарында жүретін жүргізушілердің жартысынан астамы кейінгі бір жылда жол жүру ережесін бұзғаны үшін бірде-бір айыппұл алмаған, - деп хабарлайды Tengri Auto.

Sergek ITS көлік ағынын талдау деректеріне сәйкес, 2025 жылдың маусымы мен 2026 жылдың маусымы аралығында Алматыдағы автокөлік жүргізушілерінің 55,6 пайызында бірде-бір ереже бұзу дерегі тіркелмеген. Есептеу кезінде тек Алматыдағы сапарлар ғана емес, Қазақстанның басқа өңірлеріндегі ереже бұзу жағдайлары да ескерілген.

Алматы Полиция департаменті мәліметінше, қалада 750 мыңға жуық автокөлік тіркелген. Сонымен қатар, мегаполис көшелеріне күн сайын басқа өңірлерден қосымша 350–400 мың көлік шығады.

Тәртіпті жүргізушілердің арасында уақытының басым бөлігін рөлде өткізетіндер де бар болуы көңіл аударарлық. Мысалы, зерттеуге қатысушылардың бірі бір жыл ішінде жол жүру ережесін бірде-бір рет бұзбай, 28 мың шақырымнан аса жол жүрген.

Жалпы алғанда, зерттеу еліміздің басқа өңірлерінен келген көліктер мен шетелдік нөмірі бар машиналарды қоса алғанда, үш миллионнан аса көлік құралын қамтыды.

Нәтижесінде 1,7 миллионнан аса жүргізуші жыл бойы бірде-бір айыппұл алмағандар санатына енді.

Полиция өкілдері мұндай статистика жолдардағы бақылаудың ғана емес, сонымен қатар жүргізу мәдениетін қалыптастыруға бағытталған шаралардың да тиімділігін көрсетеді деп есептейді.

Тағы оқыңыз: Alphard-тар назарда: тасжолдарда рөлі оң жақтағы және басқа да көліктерге рейдтер басталды

Google News арқылы жаңалықтарымызды қадағалаңыз