Қарағанды облысы Ғабиден Мұстафин атындағы ауылда жаңа көпір салынды

Қарағанды облысының Ғабиден Мұстафин атындағы ауылында Нұра өзенінің үстінен жаңа көпір салынды.

Бұл нысан — жергілікті тұрғындар көптен күткен инфрақұрылымдық жоба. Бұған дейін ауылдан Теміртау қаласына бару үшін айналма жолды пайдалануға тура келетін, бұл көп уақыт алатын еді. Жаңа көпірдің арқасында жол едәуір қысқарып, қатынау әлдеқайда ыңғайлы және қауіпсіз болды. Әсіресе қолайсыз ауа райы мен көктемгі су тасқыны кезінде тұрғындар қалаға кедергісіз қатынайтын мүмкіндік алды.

Руслан Нұрланұлы, тілші:

- Ғабиден Мұстафин ауылының тұрғындары бұрын Теміртау қаласына бару үшін айналма жолмен 46 шақырым жүретін. Ал қыста көлікпен мына мұз қатқан Нұра өзенінің үстімен жүреді. Ол өте қауіпті еді. Жаңа көпір салынғалы жағдай жақсарды. Қазір Теміртау қаласына дейін небәрі 12 шақырым жүріп барады. 

Көпір салу мәселесін халық 2015 жылы ауылды су басқан кезде көтерді. Мұнда тек ескі жаяу өткел ғана болатын. Ол тасқын кезінде қирап қалды. Тұрғындардың басым дені Теміртауда жұмыс істейді. Қаладан келетін автобус тек өзеннің арғы бетіне тоқтайтын. Жаңа көпір арқылы қозғалыс ашылғалы жұрттың қалаға қатынауы жеңілдеді.

БЛИЦ

- Халықтың игілігі үшін жасалған маңызды қадам болды. Теміртауға қатынау қиындау болды. Машинамен жүргенде мынау Ақтаумен қатынайтын халық. Қазір енді өте қолайлы.

- Бұл көпір енді ауыл мен қаланы жалғастырып, уақытымызды үнемдеп, ауыл тұрғындары үшін жаңа бастау деп айтуға болады. Бұл көпірдің арқасында ауылымыздың тұрғындары жұмысқа барады. 00.58-01.04 Бұл дамудың басы, мемлекет халықты естігеннің белгісі. 

Көпірдің құрылысы үш жылға созылды. Ұзындығы 150 метр өткел жеті мықты тіреуге орнатылған. Жүк көліктері мен автобустар еркін жүре алады.

Бақыт Өскембекова, Ғабиден Мұстафин атындағы ауылдың әкімі:

- Бұрын автобус жаяу көпірдің арғы жағына тоқтайтын. Ал қазір толықтай көшелерді аралап өтіп, ауылға қарасты Нұра станциясына дейін барады. Күніне бірнеше мәрте жүреді. 

Ауылда 3,5 мың адам тұрады. Жаңа көпір халықтың тұрмысын жақсарту үшін де маңызды. Ол көлік қозғалысын арттырып, тасымалды қолжетімді етіп қана қоймай, жергілікті халық үшін жаңа жұмыс орындарын ашуға мүмкіндік береді.

Руслан Нұрланұлы, Сайлау Игіліков, Аман Хамит