Қарағандыда қазақтарды қорлаған Алика Мұхамадиеваға қатысты сот басталды

Қарағандыда 22 жастағы Алика Мұхамадиеваға қарсы қозғалған қылмыстық іс бойынша сот отырысы басталды, деп хабарлайды Arasha.kz.

Ол Threads әлеуметтік желісінде жариялаған жазбалары арқылы ұлтаралық араздықты қоздырды деп айыпталуда. Бұл іс қоғамда кеңінен талқыланып, үлкен резонанс тудырды.

Сотта Мұхамадиева өз кінәсін толық мойындап, өкініш білдірді. Адвокаттарының айтуынша, оның екі жасар баласы бар, сондықтан қорғаушылар соттан осы жағдайды ескеріп, неғұрлым жеңіл жаза тағайындауды сұрады.

Еске салайық, Алика Мұхамадиева қазақтар мен мұсылмандарға қарсы қорлайтын бірнеше жазба жариялаған болатын. Кейін оған қатысты қылмыстық іс қозғалды. Мұхамадиева кейіннен видео жариялап, көпшіліктен кешірім сұраған.