Қарағандыда робот хирургтің көмегімен миға ота жасалады

Remebot RM-200 – медициналық деректерді талдауға және операция кезінде хирургтарға көмектесуге қабілетті интеллектуалды жүйе. Жақын арада оның көмегімен ота жасалады: интракраниальды биопсия және ми ісіктерінің абляциясы.

Аурухана директоры Еркін-Дәуір Құрманғалиевтің айтуынша, бұл технологияны енгізу жыл сайын 300-ден астам жоғары технологиялық нейрохирургиялық операцияларды жасауға, процедуралардың инвазивтілігін және пациенттің сауығу уақытын қысқартуға мүмкіндік береді.

– Берілген нүктеге жетудің дәлдігі миллиметрден аз. Бұл Паркинсон ауруы, эпилепсия, ми ісігі бар науқастарға операция жасауға, сондай-ақ стереотаксикалық араласу мен гематомаларды жоюды сәтті орындауға мүмкіндік береді, - деп түсіндірді Еркін-Дәуір Құрманғалиев.

Қарағандылық нейрохирургтер осыған ұқсас әдістер кеңінен қолданылатын Қытайда тағылымдамадан өтті. Онда мамандар жүйені пайдаланудың практикалық дағдыларын дамыта отырып, бірқатар сынақ операциясын жасады.

Reme-Hybrid гибридті технологиясы бар роботтық қол нақты дәлдікті және тіндерге минималды әсер етуді қамтамасыз етеді. Бұл Қарағандыда бас миының ауыр патологиясы бар науқастарды құтқару үшін жаңа мүмкіндіктер ашады.

Айта кетейік, Алматы қалалық кардиологиялық орталығында алғаш рет жүректің митрал және трикуспидалды қақпақшаларына пластика жасау арқылы сәтті ота жүргізілді.

Пациентке сирек тығыздалмаған миокард және митрал мен трикуспидалды қақпақшалардың айқын жеткіліксіздігі диагнозы қойылған.

Ота жүрек соғып тұрған күйінде (Beating heart) жасалды. Бұл қазақстандық кардиохирургия тәжірибесінде өте сирек кездесетін жағдай.