Қазақстан Денсаулық сақтау министрлігі МӘМС ақпаратына қолжетімділікті жеңілдетеді

Қазақстанда МӘМС жүйесіндегі мәртебе туралы ақпарат беру тәртібін өзгерту жоспарланып отыр. Денсаулық сақтау министрлігі сақтандыру мәртебесін және аударылған жарналарды тексеруді жеңілдетуге бағытталған жоба дайындады, деп хабарлайды TengriHealth.

Нені өзгерту ұсынылады?

Денсаулық сақтау министрлігі міндетті әлеуметтік медициналық сақтандыру (МӘМС) жүйесіне қатысу туралы ақпарат беру бойынша мемлекеттік қызмет көрсету қағидаларына өзгерістер әзірледі.

Қазақстандықтар МӘМС жүйесіндегі өз мәртебесі, сақтандырылған кезеңдері, сондай-ақ олардың пайдасына төленген жарналар мен аударымдар туралы нақты ақпаратты жедел ала алады.

Қызметті eGov.kz электронды үкімет порталы арқылы электронды форматта алуға болады.

Яғни, азаматтар мемлекеттік органдарға жеке жүгінбей-ақ, өздеріне ыңғайлы уақытта сақтандыру мәртебесін және төленген жарналар туралы мәліметтерді тексере алады.

Жүйеде қанша адам сақтандырылған?

Денсаулық сақтау министрлігінің мәліметінше, қазіргі уақытта 17,5 миллион азамат МӘМС жүйесінің қатысушысы болып отыр.

"МӘМС жүйесі сақтандырылған азаматтарға төленген жарналардың мөлшеріне және әлеуметтік мәртебесіне қарамастан медициналық көмектің кең көлеміне қол жеткізуге мүмкіндік береді", - деп еске салды министрлік өкілдері.

Тізбеге мыналар кіреді:

профилактикалық тексерулер; консультациялық-диагностикалық көмек; амбулаториялық, стационарды алмастыратын және стационарлық жағдайлардағы мамандандырылған медициналық көмек; жоғары технологиялық медициналық көмек; медициналық оңалту; қолданыстағы заңнама шеңберінде дәрі-дәрмекпен қамтамасыз ету.

Бұған дейін Қазақстанда химиотерапиялық және сәулелік емдеуді қаржыландыру тәсілін өзгерту жоспарланып отырғаны хабарланған болатын.

Тағы оқыңыз: МӘМС-тегі жаңа қызметтер: 1 шілдеден бастап не өзгереді?

Қазақстандағы скринингке арналған демалыс: не өзгерді?

Қазақстанда емханаға тіркелу ережелері қалай өзгереді - толығырақ

Google News арқылы жаңалықтарымызды қадағалаңыз

Жазылу

МӘМС

ережелер

Денсаулық сақтау министрлігі

науқастар