Қазақстан мен Қырғызстан Хан Тәңірі шыңында тау туризмін жандандырады

АСТАНА, 13 қараша – Sputnik. Қазақстан премьер-министрі Олжас Бектенов пен Қырғызстан министрлер кабинетінің төрағасы Адылбек Касымалиев Астанада Үкіметаралық кеңестің 13-ші отырысын өткізді, деп хабарлады үкіметтің баспасөз қызметі.

© Photo : Пресс-служба премьер-министра Казахстана Олжас Бектенов пен Адылбек Касымалиев Астанада Үкіметаралық кеңестің 13-ші отырысын өткізді

Олжас Бектенов пен Адылбек Касымалиев Астанада Үкіметаралық кеңестің 13-ші отырысын өткізді

© Photo : Пресс-служба премьер-министра Казахстана

Қазақстан мен Қырғызстан арасындағы тауар айналымы осы жылдың 8 айында 21%-ға өсіп, $1,4 млрд-ты құрады.

"Қырғызстан – біз үшін тату көрші, бауырлас ел ғана емес, сонымен қатар маңызды сауда-экономикалық серіктес мемлекет. Қазақстан үкіметі ортақ мүдделерімізге сай келетін мақсаттарға бірлесіп атсалысуға дайын", — деп атап өтті Олжас Бектенов.

АӨК саласындағы өсудің жаңа бағыттары белгіленді. Биылғы 8 айда ауыл шаруашылығы өнімдерінің сауда көлемі 42%-ға өсіп, $326 млн-ды құрады, оның 80%-дан астамы – Қазақстаннан шығатын ауыл шаруашылығы өнімдерінің экспорты.

Тау туризмі – ынтымақтастықтың келешегі зор бағыттарының бірі. Екі ел аумағында орналасқан Хан Тәңірі шыңында тау туризмі бағыттарын жандандыру мәселелері талқыланды.

Қазақстан мен Қырғызстан үкіметтері ынтымақтастықтың барлық негізгі бағыты бойынша екіжақты қарым-қатынастарды одан әрі тереңдетуге ниетті екенін растады.

Жиын соңында қазақ-қырғыз Үкіметаралық кеңесінің 13-ші отырысы хаттамасына қол қойылды.