​Қазақстан мен Ресей шекарасында 6 сағатқа дейін кезек: не болып жатыр

Қазақстанның Ресейдің Орынбор облысымен шекарасында орналасқан Жансай – Сагарчин өткізу пунктінде үлкен кезек пайда болды. Куәгерлердің айтуынша, қиын жағдай кешеден бері байқалып отыр, деп хабарлайды Урал56.ру.

Адамдар күту уақытының алты-жеті сағатқа дейін жететінін хабарлап жатыр. Бейтарап аумақтың бәрінде көлік толып қалған, ал Қазақстаннан шыға берістегі жүк көліктерінің колоннасы шамамен алты шақырымға созылып кеткен.

Жүргізушілердің айтқан ақпараты бойынша Тәжікстан азаматтары Ресейге кірер кезде бөлек тексеру рәсімінен өтеді, бұл да көлік құралдарын өткізу жылдамдығына әсер етеді.

Кейбір автокөлік жүргізушілері шекараға шамамен сағат 14:00-де келгенін және алты сағаттан астам тұрып қалғанын айтады. Басқалары түн ортасынан бастап кезекте тұрғанын хабарлайды. Жүргізушілер ауа райының қолайсыздығы туралы ескертіп, суық және ұзақ күтіп қалуға байланысты балалармен жолға шықпауға кеңес береді.

Кідірістің себебі және қозғалысты қалыпқа келтіру мерзімдері туралы әлі ресми ақпарат түскен жоқ.

Бүгін, 10:29