Қазақстан Үндістан мен БАӘ ге халал ет экспорттауды жоспарлап отыр

Қазақстан Үндістан мен Біріккен Араб Әмірліктеріне ешкі еті мен басқа да халал ет өнімдерін экспорттауы мүмкін.
Бұл мәселе Ауыл шаруашылығы министрі Айдарбек Сапаровтың Lulu Kazakhstan және IGateway Ltd компаниялары басшыларымен кездесуінде талқыланды.

Министрліктің мәліметінше, шетелдік тарап халықаралық ветеринариялық-санитариялық талаптарға сай өнімдерді импорттауға қызығушылық танытқан. Үндістан нарығындағы тұтыну көлемінің өсуі қазақстандық мал шаруашылығы өнімдері үшін жаңа мүмкіндіктер ашып отыр.

Айдарбек Сапаров ветеринариялық талаптар толық сақталып, жеткізілім тұрақты болған жағдайда Қазақстан ет экспортын ұлғайтуға дайын екенін атап өтті.

LuLu Group International компаниясы БАӘ мен Үндістанда бөлшек сауда, импорт-экспорт және ет өңдеу саласында жұмыс істейді.