Қазақстанда 82 жыл бұрынғы температуралық рекорд жаңартылды

2026 жылдың сәуірінде Қазақстанда күн райы өте құбылмалы болып, бірқатар температуралық рекордтар жаңартылды. Елдің жекелеген аймақтарында ондаған жылдар бойы сақталған көрсеткіштерден асып түсетін мәндер тіркелді, деп хабарлайды Tengrinews.kz "Қазгидрометке" сілтеме жасап.

2026 жылдың сәуірінде Қазақстанда күн райы өте құбылмалы болып, бірқатар температуралық рекордтар жаңартылды. Елдің жекелеген аймақтарында ондаған жылдар бойы сақталған көрсеткіштерден асып түсетін мәндер тіркелді, деп хабарлайды Tengrinews.kz "Қазгидрометке" сілтеме жасап.

Белсенді циклондар мен ауа массаларының ауысуы салдарынан елдегі ауа райы шұғыл өзгеріп отырды: аптап кезеңдер суық толқындармен, жаңбырмен және желдің күшеюімен алмасты.

Оңтүстікте ауа температурасы кей жерлерде +30 градустан асса, солтүстік және шығыс аймақтарда -7...-12 градусқа дейін үсік жүрді.

Жаңартылған көрсеткіштердің ішінде Түркістан қаласы ерекше көзге түседі, мұнда 1 сәуірде ауа температурасы +31,2 градусқа жетті. Бұл көрсеткіш 1944 жылғы тарихи максимумнан (+28,4 градус) асып түсті.

Сәуірдің алғашқы күндері жаңа максимумдар келесі қалаларда да тіркелді:

1 сәуір
Ақтөбе +25,6 градус (2008 жылғы ескі рекорд +25,0 градус); Жезқазған +26,2 градус (1970 жылғы ескі рекорд +23,9 градус).

2 сәуір
Астана +18,9 градус (2008 жылғы ескі рекорд +17,4 градус); Көкшетау +17,7 градус (2008 жылғы ескі рекорд +15,8 градус); Жезқазған +28,4 градус (2008 жылғы ескі рекорд +21 градус); Қарағанды +22,7 градус (1981 жылғы ескі рекорд +16,9 градус); Қостанай +19,0 градус (2025 жылғы ескі рекорд +18,8 градус); Қызылорда +32,2 градус (1990 жылғы ескі рекорд +25 градус); Тараз +27,1 градус (1970 жылғы ескі рекорд +26,1 градус); Түркістан +32,4 градус (1970 жылғы ескі рекорд +28,9 градус).

3 сәуір
Астана +23 градус (2008 жылғы ескі рекорд +16 градус); Көкшетау +20,6 градус (2023 жылғы ескі рекорд +16 градус); Жезқазған +27,7 градус (2012 жылғы ескі рекорд +21,6 градус); Қарағанды +23,3 градус (2008 жылғы ескі рекорд +17,5 градус); Қостанай +20,4 градус (2009 жылғы ескі рекорд +18,0 градус); Павлодар +17,8 градус (2009 жылғы ескі рекорд +17,6 градус); Түркістан +28,2 градус (1983 жылғы ескі рекорд +28,1 градус).

4 сәуірде
Ақтау +24,2 градус (1997 жылғы ескі рекорд +23,1 градус); Астана +21,4 градус (2008 жылғы ескі рекорд +19,5 градус); Көкшетау +22,3 градус (2020 жылғы ескі рекорд +18,1 градус); Қарағанды +24,8 градус (2025 жылғы ескі рекорд +21,0 градус); Петропавл +21,4 градус (2022 жылғы ескі рекорд +18,6 градус).

5 сәуірде
Өскемен +23,9 градус (2022 жылғы ескі рекорд +20,7 градус).

Рекордтық жылылыққа қарамастан, жекелеген аймақтарда нөсер байқалды. Кей жерлерде бір айлық жауын-шашын мөлшері қысқа мерзімде жауды.

Синоптиктер сәуір айындағы ауа райы солтүстік-батыс және оңтүстік циклондардың әсерінен өте құбылмалы болғанын атап өтті.

Астанада сәуір айындағы орташа температура 6,5 градустық айлық норма кезінде нормадан 4,6 градусқа жоғары болды. Ең төменгі ауа температурасы 17 сәуірде тіркеліп, -5,7 градусты құрады, ал ең жоғары ауа температурасы 30 сәуірде байқалып, +28,6 градусқа жетті.

Тағы оқыңыз: Қазақстанда 2026 жылдың жазы қандай болады – синоптиктер болжамы