Қазақстанда газдандыру жұмыстары қай өңірлерде жүргізілуде

Қазақстан Республикасы Энергетика министрлігінің баспасөз қызметінің мәліметінше, бүгінде елде шамамен 13 миллион адам табиғи газға қол жеткізген. 2026 жылдың қорытындысы бойынша газдандыру деңгейін 64,3%-ға жеткізу жоспарланып отыр. Бұл өткен жылғы көрсеткіштен (62,4%) жоғары.

"Биыл елімізде газдандыру бағытында 40 жоба жүзеге асырылуда. Соның нәтижесінде 10 елді мекенде 32 мыңнан астам тұрғын табиғи газға қосылады", – делінген хабарламада.

Ведомствоның нақтылауынша, бұл жобалар Ақтөбе, Батыс Қазақстан, Жамбыл, Қарағанды, Қостанай, Қызылорда, Маңғыстау және Түркістан облыстарын, сондай-ақ Ұлытау мен Жетісу облыстарын қамтиды.

"Бейнеу – Бозой – Шымкент" магистральдық газ құбырының екінші желісінің бірінші кезеңінің құрылысы жалғасуда. Жыл соңына дейін жылына 10 млрд текше метр газ өткізуге қауқарлы құбырдың желілік бөлігінің құрылысы аяқталады деп жоспарлануда", – деп хабарлады Энергетика министрлігі.

Бұған дейін Энергетика министрлігі қазіргі заманғы көмір энергетикасы технологияларының бәрі газбен салыстырғанда тиімді емес екенін мәлімдеген еді.