Қазақстанда малдарды мәжбүрлі жою шаралары жүргізілмейді

АШМ Ветеринариялық бақылау және қадағалау комитетінің төрағасы Қазбек Ташимов желіде таралған ақпаратты жоққа шығарып, түсініктеме беріп өтті.

— Ел аумағында ауыл шаруашылығы жануарларын тәркілеу немесе мәжбүрлі түрде жоюға қатысты кез келген іс-шаралар қолданыстағы заңнаманы қатаң сақтай отырып — тиісті аумақтың бас мемлекеттік ветеринариялық-санитариялық инспекторының шешімі негізінде және жергілікті атқарушы органдардың міндетті түрде шектеу шараларын енгізуімен жүргізіледі. Мұндай іс-шаралар туындаған жағдайда тек республикалық эпизоотияға қарсы отряд тарапынан жүзеге асырылады. Қазіргі уақытта Қазақстанда шектеу шараларын енгізу туралы шешімдер, сондай-ақ ауыл шаруашылығы жануарларын тәркілеу және жою жөнінде нұсқамалар қабылданған жоқ. Тек ресми мәліметтерге сенуге және халық арасында негізсіз алаңдаушылық тудыратын тексерілмеген ақпаратты таратпауға шақырамыз, — делінген хабарламада.

Посмотреть эту публикацию в Instagram

Публикация от Ауыл шаруашылығы | Сельское хозяйство (@agro__press)

Бұдан бұрын СҚО-да биыл жаңадан 57 ветеринариялық пункт және екі станция ашылатыны мәлім болды.