Қазақстанда тексеруларден кейін жүздеген процедуралық кабинет жабылды

Қазақстанда жеке процедуралық кабинеттерге жүргізілген тексерулер нәтижесінде бірқатар заңбұзушылық анықталып, иелеріне 15 миллион теңгеден аса айыппұл салынды, - деп хабарлайды Tengrinews.kz тілшісі.

Қазақстанда жеке процедуралық кабинеттерге жүргізілген тексерулер нәтижесінде бірқатар заңбұзушылық анықталып, иелеріне 15 миллион теңгеден аса айыппұл салынды, - деп хабарлайды Tengrinews.kz тілшісі.

Денсаулық сақтау министрлігі мәліметінше, тексеріс барысында 406 кабинет түрлі талаптарды бұзып жұмыс істеген немесе лицензияға қажетті қосымшаларсыз қызмет көрсеткен. Түсіндіру жұмыстарынан кейін олардың 247-сі өз қызметін ерікті түрде тоқтатты.

"Процедуралық кабинеттер эпидемиологиялық тұрғыдан аса маңызды нысандар екенін, сондықтан денсаулық сақтау субъектілеріне қойылатын талаптарға толық сай болуы керек. Орта медицина қызметкерлерінің лицензиясыз инвазивті процедуралар жасауға құқығы жоқ, алайда бірқатар нысанда мұндай қызметтер заңсыз көрсетілген", - делінген хабарламада.

Жоспардан тыс жүргізілген 84 тексерудің нәтижесінде мынадай кемшіліктер анықталған:

медициналық қызметке лицензияның болмауы; санитариялық талаптардың сақталмауы; дәрі-дәрмектерді дұрыс сақтамау; білікті персоналдың жоқтығы; шұғыл көмекке арналған арнайы жиынтықтардың болмауы.

122 әкімшілік хаттама толтырылып, жалпы сомасы 15 миллион теңгеден астам айыппұл салынған. Тексеру жұмыстары жалғасып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!