Қазақстандағы онлайн төлемнің үлесі 85% тен асты

2030 жылға қарай ЖИ әлемдік ЖІӨ көлемін 15 триллион долларға ұлғайтады. Жаһан сарапшылары осындай болжам жасап отыр. Ал Қазақстан осы алып нарықты дамыту бойынша белсенді жұмыс атқарып келеді.

Жыл басында AI Sana бағдарламасы іске қосылды. Сол арқылы 540 мыңнан астам студент оқу курсынан өтті. Одан бөлек орталықтағы жоба аясында жылына түрлі салада көзге түскен 10 мың дарынды жасты қолдау, 1 мыңға жуық маманды оқыту, 100-ге тарта стартапты іске қосу және 10 шақты ғылыми зерттеуді жүзеге асыру жоспарланған. Елде 79 университетте ІТ мамандығын оқытады. Бұл білім ордаларында 63 мыңнан астам студент оқиды. Одан бөлек жаңа Жасанды интеллект университетін ашу үшін дайындық жұмыстары жүргізіліп жатыр.

Қазақстан үш жыл ішінде жаппай цифрлық ел болуды жоспарлап отыр. Бұл бағытта да жетістіктер мол. Мемлекет тарапынан көрсетілетін қызметтің 92%-тен астамы онлайн форматта ұсынылады. Былтыр еліміздегі онлайн төлемнің үлесі 85%-тен асты. Ал биыл алғашқы жарты жыл ішінде Қазақстан азаматтарына 26 миллион цифрлық қызмет көрсетілді.