Қазақстандықтар БЖЗҚ ның жаңа жеткіліктілік шегін өз бетінше есептеуге тырысуда

Қазақстандықтар зейнетақы жинақтарын алу үшін алдағы жеткілікті шекті есеп әлек. Кеше есептеу формуласы жарияланды, деп хабарлайды Tengrinews.kz тілшісі.

Қазақстандықтар зейнетақы жинақтарын алу үшін алдағы жеткілікті шекті есеп әлек. Кеше есептеу формуласы жарияланды, деп хабарлайды Tengrinews.kz тілшісі.

Қазақстанда зейнетақы жинақтарының ең төменгі жеткілікті шегін есептеу әдістемесі өзгереді. Тиісті қаулыға премьер-министр Олжас Бектенов қол қойды. Ол биылғы 4-5 маусымда күшіне енеді.

Құжатта жеткілікті шекті жаңаша есептеуге арналған формула көрсетілген. Есептеу кезінде мыналар ескеріледі:

адамның жасы; зейнетке шыққанға дейінгі жылдар саны; зейнетақы алудың болжамды мерзімі; ең төменгі мемлекеттік зейнетақы; болашақ зейнетақы жарналары; зейнетақы жинақтарының инвестициялық кірісі; төлемдер мен басқа да көрсеткіштердің жыл сайынғы өсімі.

Осылайша, мемлекет адамға зейнетке шыққаннан кейін қанша ақша қажет болатынын және қазір оның шотында қанша сома қалу керектігін есептейді.

Қазақстандықтар өз есептеулерін бөлісіп жатыр

Формула шыққаннан кейін әлеуметтік желі қолданушылары өз есептеулерін жариялай бастады. Мұндай жазба авторлары бұл мәліметтердің ресми емес екенін, есептеулердің шамамен алынғанын айтады. Бұл ретте аталған есептеулердегі көрсеткіштер айтарлықтай ерекшеленеді. Мысалы, бір жазбада автор 45 жасқа арналған шекті деңгей 8,6 миллион теңге болады деп болжаса, басқа жазбада бұл жастағылар үшін шекті деңгей 13 миллионға дейін өсетіні көрсетілген.

Әлеуметтік желілерден скриншоттар

ҚАЗІР ТАЛҚЫЛАНЫП ЖАТЫР

Қазақстанда мектеп оқушыларының саны бойынша рекорд тіркелді

Кеше 19:14 1

Зейнетақы жинақтарын пайдалану үшін жаңартылған жеткілікті шекті жариялайтын Бірыңғай жинақтаушы зейнетақы қоры (БЖЗҚ) ресми деректер әлі жарияланбағанын атап өтті. Ресми түрде жаңа шекті деңгейлер маусымда жарияланады, бұл үкімет қаулысында да айтылған.

Қазақстандықтарды жинақтарының бір бөлігін алып үлгеруге шақырды

Жеткілікті шектің көтерілуі туралы жаңалық аясында Отбасы банктің ресми аккаунты қазақстандықтарды зейнетақы жинақтарын алып үлгеруге шақыратын жазба жариялады.

"БЖЗҚ жеткіліктілік шектері жақында өседі! БЖЗҚ-дегі ең төменгі жеткілікті шектерінің көтерілуі - жақын арада. Қолжетімді зейнетақы жинақтарыңызды дәл қазір Отбасы банкіндегі депозитті толықтыруға, ипотеканы толық немесе ішінара өтеуге, сондай-ақ алдын ала займ бойынша депозитті толықтыруға бағыттаңыз. Шектер көтерілгенін күтпеңіз! ", - делінген банк баспасөз қызметінің хабарламасында.

Мән-жайы

Бұған дейін Қазақстанда зейнетақы жинақтарының жеткілікті шегін есептеу тәсілін өзгерту көзделіп отырғанын жазған болатынбыз. Ең төменгі жалақы, ең төменгі зейнетақы, базалық төлем және күнкөріс деңгейі ескерілетін қолданыстағы әдістеменің орнына, адамның жасын, күтілетін төлемдерді, кірістілікті және демографиялық деректерді ескере отырып, актуарлық тәсілге көшу ұсынылады.

Зейнетақы жинақтарын мерзімінен бұрын алу: Ұлттық банк жеткілікті шек бойынша өз ұстанымын жариялады

21 сәуірде Еңбек және халықты әлеуметтік қорғау министрі Асқарбек Ертаев зейнетақы қаражатын алуға арналған жеткілікті шек мамырда көтерілуі мүмкін екенін мәлімдеді. Жақында шенеунік шек 79 пайызға дейін өсуі мүмкін екенін хабарлады.

Кейін Еңбек министрлігі жаңа жеткілікті шекке қатысты ұстанымын түсіндірді. Осы ретте БЖЗҚ өкілдері әдістемені өзгерту неге қажет болғанын айтты.

Google News арқылы жаңалықтарымызды қадағалаңыз

Жазылу