Қазақстандықтар үшін арзандатылған ипотекалық несие көлемі артады

Қазақстандықтар үшін арзандатылған ипотекалық несие көлемі 2 есе ұлғаяды. Үкімет, тұрғын үйге қолжетімділікті арттыру үшін осындай өзгерістерді енгізді. Мұндай шара қолданыстағы «Наурыз» және «Наурыз-жұмыскер» бағдарламалары арқылы несиелеу көлемін 500 миллиард теңгеге дейін арттыру жолымен жүзеге асырылмақ. Бұдан бөлек, «Әскери баспана» бағдарламасы да қайта іске қосылды.

Ол жыл сайын шамамен 7 мың әскери қызметкерге жаңа үйден бөлек, қолданыстағы баспананы сатып алуға мүмкіндік береді. Аталған бағдарламалар аясында салынатын үйлердің құрылысы жөнінде тиісті компаниялармен офтейк-келісімшарттарды жасау көзделіп отыр. Мамандар мұны тұрғындар үшін расында қолайлы әрі қолжетімді екенін алға тартады.

Бауыржан Ысқақ, экономист:

- Халықтың бағытына, мақсатына қарай шешілуі, жалпы бөлінетін қаражаттың 2 есе бөлінуі бұл өзінің әлі де баспана мәселесін шеше алмай жүрген азаматтарға, әлеуметтік осал топтан да бар мысалы, ипотека тоқтап қалса немесе қымбаттау кезінде мүмкіндіктің бәрі жоғалып кеткендей болған. Енді қазір әлеуметтік осал топтар, жалғызбасты аналар, көпбалалы отбасылар бар яғни баспанасы номері 1-ші мәселе болып тұрған азаматтар үшін Үкіметтің беріп, қолданып жатқан шарасы, нарықтық механизмі өте тиімді. Өйткені осындай жеңілдетілген несие беру арқылы біз үлкен әлеуметтік мәселенің немесе әлеуметтік дағдарыстың алдын алып отырмыз.