Қазақстанның тұрғын үй нарығы: Қыркүйекте сауда саттық қалай құбылды

2025 жылдың қыркүйек айында Қазақстанда тұрғын үй сатып алу және сату бойынша 41 313 мәміле жасалды. Бұл — өткен аймен (тамыз) салыстырғанда 0,2%-ға аз.

Мәмілелердің ішінен:

8 661 мәміле жеке үйлер бойынша тіркелді,

32 652 мәміле көпқабатты үйлердегі пәтерлерді сату бойынша болды.

Ең көп тұрғын үй сатып алынған өңірлер:

Алматы қаласы — 8 859 мәміле (барлық мәміленің 21,4%-ы),

Астана қаласы — 8 644 мәміле (20,9%),

Қарағанды облысы — 3 029 мәміле (7,3%).

Ал ең аз мәміле тіркелген өңір — Ұлытау облысы, мұнда небары 306 мәміле жасалған (0,7%).

Мәмілелер санының өзгеруі

Тамыз айымен салыстырғанда, кейбір өңірде мәмілелер саны айтарлықтай өсті:

Қызылорда облысы — +20,2%

Атырау облысы — +12,6%

Түркістан облысы — +9,9%

Керісінше, төмендеу байқалған өңірлер:

Шымкент қаласы — -10,9%

Алматы қаласы — -8,6%

Жетісу облысы — -5,8%

Жылдық өзгеріс

2024 жылдың қыркүйегімен салыстырғанда:

Тұрғын үйді сатып алу-сату мәмілелерінің саны 4,5%-ға артқан. Былтыр — 39 543 мәміле болған.

Ең үлкен өсім Астана қаласында байқалды — +30,1%.

Ең үлкен төмендеу Батыс Қазақстан облысында — -31,9%.

2025 жылдың қаңтар-қыркүйек аралығындағы жалпы мәмілелер саны, өткен жылдың осы кезеңімен салыстырғанда, 3,2%-ға көбейді.

Бағаның өзгерісі

Жылдық өсім (2024 ж. қыркүйекпен салыстырғанда):

Жаңа пәтерлердің бағасы — 12,8%-ға өсті.

Қайталама нарықтағы сатылатын пәтерлердің бағасы — 10,3%-ға өсті.

Жалға алу ақысы — 9,9%-ға қымбаттады.

Баға ең көп өскен қалалар төмендегідей:

Жаңа тұрғын үйлер бойынша:

Павлодар — +26,4%

Қызылорда — +15,3%

Шымкент — +15,2%

Қайталама нарықтағы пәтерлер:

Ақтөбе — +18,9%

Павлодар — +18,8%

Алматы — +17,9%

Жалға алу ақысы:

Ақтөбе — +40,7%

Көкшетау — +18,7%

Астана — +18,1%

Айлық өсім:

2025 жылғы тамызбен салыстырғанда жаңа тұрғын үйлердің бағасы — 2,1%-ға өсті. Қайталама нарықта сатылатын пәтерлердің бағасы — 1,5%-ға өсті. Жалға алу ақысы — 2,8%-ға өсті.

Айта кетейік, ҚР СЖжРА Ұлттық статистика бюросы тұрғын үй бағасы бойынша ай сайын мониторинг жүргізеді. Баға индекстері облыс орталықтары мен Астана, Алматы, Шымкент қалалары бойынша іріктелген байқау деректері негізінде қалыптастырылады. Жаңа тұрғын үйлер бойынша ақпарат сату бойынша операциялар жүргізетін құрылыс компанияларынан жиналады, бұл ретте пәтердің бастапқы және алдын ала таза әрленгендегі бағасы ескеріледі. Пәтерлерді қайта сату және жалға алу бойынша деректер интернетте, бұқаралық ақпарат құралдарында орналастырылатын хабарландырулар негізінде жиналады. Бағаларды есептеу кезінде бір, екі, үш бөлмелі пәтерлер бойынша ұсыныстар есепке алынады.

Бұдан бұрын барлық мәлімет қағазға түсіріліп, цифрлық технология әлі қолданысқа енбеген уақытта үлкен деректер қалай өңделді? Ұлттық статистика бюросы тарихқа шегініс жасап, статистикалық мәліметтер қалай жиналғанын түсіндірді.