Қазақстанның Ұлттық қауіпсіздік комитеті 100 коррупциялық іс қозғады

Ведомствоның мәліметі бойынша, қараша айында 100 қылмыстық құқық бұзушылық тіркелген. Бұл істер Қазақстан Республикасының Қылмыстық кодексінің тиісті баптары бойынша сараланған.

189-бап (сенiп тапсырылған бөтен мүлiктi иемденiп алу немесе талан-таражға салу) – 8; 190-бап (алаяқтық) – 15; 194-бап (қорқытып алу) – 1; 195-бап (алдау немесе сенiмді теріс пайдалану жолымен мүлiктiк залал келтiру) – 1; 206-бап (ақпаратты құқыққа сыйымсыз жою немесе түрлендіру) – 1; 249-бап (рейдерлiк) – 2;ЭЭ?+ 362-бап (билiктi немесе лауазымдық өкiлеттiктерді асыра пайдалану) – 4; 364-бап (кәсіпкерлік қызметке заңсыз қатысу) – 1; 366-бап (пара алу) – 17; 367-бап (пара беру) – 33; 368-бап (парақорлыққа делдал болу) – 2; 369-бап (қызметтiк жалғандық жасау) – 1; 371-бап (салғырттық) – 1; 416-бап (дәлелдемелерді және жедел-іздестіру, қарсы барлау материалдарын бұрмалау) – 1; 425-бап (тізімдеме жасалған немесе тыйым салынған не тәркiлеуге жататын мүлiкке қатысты заңсыз әрекеттер) – 1.

Сотқа келесі 24 қылмыстық іс жіберілді:

190-бап (алаяқтық) – 10; 218-бап (қылмыстық жолмен алынған ақшаны және (немесе)өзге мүлікті заңдастыру (жылыстату)) – 1; 366-бап – (пара алу) – 3; 367-бап (пара беру) – 8; 385-бап (жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу) – 2.

Өтелінген залал (аяқталған қылмыстық істер бойынша) 409,6 млн теңгені құрады.

Жұмыс жалғасуда.