Қолын сындырып, мүмкіндік қалдырмады : Галина Легкодимова қызының соңғы сәттері туралы

Атырау облысының қылмыстық істер жөніндегі мамандандырылған ауданаралық сотында 23 жастағы Яна Легкодимованың өліміне қатысты істі қарау жалғасуда. Сот отырыстарында айтылған айғақтардан қыздың өзін қорғауға мүмкіндігі болмағанын және жігіттердің өз әрекеттерін «өзін қорғау» немесе «жағдайды түсінбеу» деп ақтап жатқан сұмдық көрініс айқындалуда.

Марқұмның анасы Галина қызының алдын ала жоспарланған зорлықтың құрбаны болғанына сенімді.

«Бейнежазбада Қатимов оны көлікке күштеп отырғызғаныда, Янаның қарсылық көрсетіп жатқаны анық көрінеді. Көлік ішіндегі қыз қорқып, тепкілеп, екі қолымен көліктің төбесінен ұстап алған. Бірақ ол бұған қарамай, есікті бар күшімен жауып, сол кезде Янаның қолдарын сындырып жіберген деп ойлаймын. Кейін ол сол үшін қарсы тұра да алмаған. Ал қылмыскердің денесінде бір сызат та болмаған», — дейді Галина.

Сотта бұған дейін Янаның күнделігінен үзінді оқылған еді. Онда қыз трагедиядан бір апта бұрын «онымен айырылысқысы келетінін» жазған.

«Ол бәрін реттеу үшін бір апта сұраған. Бірақ, меніңше, ол апта оған бәрін жоспарлап алу үшін қажет болған», — дейді анасы.

Жауап алу және айғақтар

Сот отырысында телефонда жазысқан хаттар да егжей-тегжейлі қаралды. Іс материалдарына сәйкес, Яна соңғы рет топтасы Бека есімді жігітке жазыпты. Ол қызды 14 қазанда көрген, ал 18 қазанда «Қалайсың?» деп хабарлама жіберген. Яна қайтыс болғаннан кейін марқұмның телефонынан: «Не болды?» деген жауап келген. 

Сотта Ризуанның сол түні барлық хаттарды өшіргенін өзі мойындағанын еске салды. Сот: «Бекаға нақты қашан жауап бердің?» деп сұрағанда, ол: «Түнде», — деп жауап берген. 

Кейін Ризуан Янаны «оның агрессиясына жауап ретінде» буындыра бастағанын айтқан, ал Қатимов «жағдайдың қаншалықты ауыр екенін түсінбегенін» мәлімдеген. Бірақ бейнебақылау жазбасында Янаның көлікке отырған сәті басқаша көрініс береді: Қатимов қайта шығуға тырысқан қызды күшпен итеріп, есікпен қысып, оның қолын сындырған болуы мүмкін.

Дәлелдер

Қатимов пен Қайыржанов Янаны апарған Талдыкөлдегі өзен жағалауында қыздың бір шұлығы табылған. Үйден күнделік пен жеке заттары, сондай-ақ күдіктілердің заттары алынып, сараптамаға жіберілген.

Көлікті тексеру кезінде айтарлықтай ештеңе табылмаған. Ризуан алғашқы жауаптарында өлтірген түні таңертең көлігін жуғызғанын айтқан. Көлікте тек марганцовка қорабы қалған.

Марқұмның анасы Галина калий перманганаты олардың хаттарында талқыланған «улап өлтіру жоспары» үшін дайындалған болуы мүмкін деп жорамалдайды.

Анастасия ШЕРСТЯНКИНА

Суреттерді түсірген автор

Бүгін, 12:09