ҚР чемпионаты: Абылайхан Жүсіповтің алғашқы жекпе жегі уақытынан ерте аяқталды

Белгілі қазақстандық боксшы, Қарағанды облысының намысын қорғап жүрген Абылайхан Жүсіпов Семей қаласында өтіп жатқан Қазақстан чемпионатында мерзімінен бұрын жеңіске жетті, – деп хабарлайды Vesti.kz.

70 келіге дейінгі салмақ дәрежесінде өткен жекпе-жекте оның қарсыласы — Астанадан келген Мырзахан Мәуленов болды. Кездесудің алғашқы раундында спортшылардың бастары соғылып, Мәуленовтің қабақтан қатты жарақат алғаны анықталды.

Медициналық қызметкерлер мен төреші жекпе-жекті тоқтатып, Абылайхан Жүсіповке техникалық нокаут арқылы жеңіс берді.

Айта кетейік, Абылайхан Жүсіпов — әлем чемпионатының үш дүркін қола жүлдегері (2017, 2019 және 2021 жылдары) және 2017 жылғы Азия чемпионатының күміс жүлдегері. 2024 жылғы Азия чемпионы. 

Күндізгі сессияда шаршы алаңға шыққан фаворит боксшылар толықтай жеңіске жетті. Серік Теміржанов (60 келі), Оразбек Асылқұлов (60 келі), Мұхаммедсабыр Базарбайұлы (70 келі) жарысты жалғастырады. 

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport