Қуат Хамитов өзін Генадий Головкинмен салыстырып, оны неге сынағанын айтты

Қазақстандық ММА жауынгері Қуат Хамитов өзін әйгілі боксшы Геннадий Головкинмен салыстырды, – деп хабарлайды Aikyn.kz сайты.

Namys Fighting YouTube-арнасына берген сұхбатында танымал файтер Головкинді сынға алған сәтін еске алды.

Неліктен мен бір кезде Головкинді сынадым? Бір кезеңде ол жекпе-жекке шығып, бәрін жеңіп жүрді. Сол кезде мен армандаған жекпе-жекті Головкин мен Андре Уордтың кездесуін көргім келді. Головкин 73 килограмға дейінгі салмақта, ал Уорд 76 килограмға дейінгі салмақта өнер көрсетті. Головкин сол кезде жеңілмеген «монстр» болатын, бірақ үш-ақ килограмға көтерілуден бас тартты. Кездесу болмады, ал ол жекпе-жекті  бүкіл әлем күткен еді.

Ал мен ше? Мен 70 килограммдық салмақтан бірден 25 килограмға көтерілдім. Енді мені «көтеріліп алып, ұтылды» деп сынайды. Ал адамдар өз салмағында жүріп-ақ бірінші немесе екінші раундта нокаутпен ұтылады, үйдегідей «ұйықтап» қалады. Ал мен 100 килограммдық «монстрмен» жарақатпен, оң қолсыз шықтым, бірақ соңына дейін айқастым. Жеңілсем де, берілмедім, «ұйықтаған» жоқпын,-деді Хамитов.