Құрылтай сайлауында өзіңіздің сайлау учаскеңізді қалай табуға болады

Қазақстандықтар 2026 жылғы 23 тамызда өтетін Құрылтай сайлауында қай жерде дауыс беретінін алдын ала біле алады. Орталық сайлау комиссиясы ЖСН арқылы өз сайлау учаскесін табуға мүмкіндік беретін онлайн-сервисті іске қосты, деп хабарлайды Tengrinews.kz.

Сайлау учаскесін іздеу үшін тұрғылықты аймақты таңдап, жеке сәйкестендіру нөмірін (ЖСН) енгізу қажет, содан кейін жүйе учаске нөмірі мен оның мекенжайын көрсетеді.

Ақпаратты келесі үш мемлекеттік сайттың бірінен тексеруге болады:

https://www.gov.kz/sailau?lang=kk

https://sailau.gov.kz/kk

https://sailau2026.gov.kz/kk

Бұдан бөлек, сервис eGov Mobile мобильді қосымшасында қолжетімді. Ол үшін "Танымал қызметтер" бөлімін ашып, сайлау учаскесін іздеу сервисін таңдау керек.

Сондай-ақ Орталық сайлау комиссиясы ақпараттық материалдарда орналастырылған QR-кодтар арқылы да сервисті пайдалануға болатынын хабарлады.

election.gov.kz сайтынан алынған скриншот

Бұл сайлау Қазақстанда 1991 жылдан бергі оныншы парламенттік сайлау және 2026 жылғы конституциялық референдумда қабылданған жаңа Конституцияға сәйкес құрылған Құрылтайға бірінші сайлау болмақ. Бүгінде Мәжіліс пен Сенат жұмысын тоқтатып, олардың депутаттары таратылды.

Енді елде қос палаталы Парламенттің орнына жаңа заң шығарушы орган – Құрылтай болады.

Құрылтай депутаттарының алғашқы сайлауы 23 тамызда өтеді. Оның құрамына 5 жылдық мерзімге сайланатын 145 депутат енеді. Олар парламент төрағасы мен оның үш орынбасарын өздері сайлайды.

Құрылтай жасақталғаннан кейін қазіргі үкімет отставкаға кетеді.

Бұған дейін бір палаталы Парламент – Құрылтай депутаттарын сайлауда дауыс беруге арналған бюллетеннің қандай болатыны белгілі болды.

Сондай-ақ қазақстандықтарға Құрылтай депутаттарын сайлау күні толтырылған бюллетень суретін жариялауға тыйым салынатыны ескертілді. Бұл ережені бұзғаны үшін 130 мың теңгеге дейін айыппұл қарастырылған.

Google News арқылы жаңалықтарымызды қадағалаңыз