Құрылтай тарихи сананы жаңғырту

Сыр өңірінде өткен V ұлттық құрылтай Қазақстанның алдағы жүзжылдық болашағын айқындайтын байыпты бастама.

Алқалы жиында қабылданған саяси реформалар түркі әлеміндегі демократиялық жаңғырудың маңызды қадамы, дейді түрік сарапшылары. Анкара университетінің профессоры, тарихшы Абдуллах Гүндодудың айтуынша, құрылтай Түркияның негізін қалаушы Ататүріктің Измир экономикалық конгресіне ұқсас.  Сондай-ақ сарапшы әлемдік өзгерістер аясында Қазақстанның таңдаған саяси бағыты тек елдің емес, тұтас Түркі дүниесінің болашағына әсер ететін маңызды шешім деді.   

Абдуллах Гүндоду, Анкара университетінің профессоры:

 - Әлем жаңа кезеңге қадам басты. Бұл тұрғыда Қазақстанның таңдаған саяси бағыты түркі әлемі үшін айрықша мәнге ие. Парламентті Құрылтай деп атау түркі демократиясының тарихи дәстүрін жаңғыртатын маңызды қадам. Бұл дәстүр ғұндар дәуірінен бастап Қазақ хандығына дейін жалғасқан. Президент Қасым-Жомарт Тоқаевтың бастамасы сол тарихи сабақтастықты жаңғыртып, парламенттік бақылау мен халықтың басқаруға қатысуын күшейтуге бағытталған. Қабылданған шешімдер Түркі әлемінің болашағына ықпал етеді.