Қытай әлемдегі ең жылдам адам тәріздес роботты таныстырды

Адам тәріздес Bolt роботына аты аңызға айналған спринтер Усэйн Болттың есімі берілген. Бойы 1,75 метр және салмағы 75 келі бұл робот адамның спорттық көрсеткіштеріне жақын технологиялық платформа ретінде жобаланған.

Оны әзірлеу барысында инженерлер қозғалысты басқару жүйелері, динамикалық теңгерім және жоғары қуатты жетек механизмдері сияқты негізгі салаларда айтарлықтай жетістіктерге қол жеткізді. Бұл шешімдер роботқа жоғары жылдамдықта тұрақтылықты сақтауға мүмкіндік берді.

Жобаны құрамына Чжэцзян университеті, Ханчжоу жаһандық ғылым және технология инновациялық орталығы, сондай-ақ MirrorMe Technology және Hangzhou Kaierda Welding Robot Co. компаниялары кіретін консорциум іске асырды.

2025 жылы Қытайда адамға ұқсас роботтардың 140-тан астам отандық өндірушісі болды, олар 330-дан астам модель шығарды. Сала талдаушылары бұл кезеңді адам тәрізді роботтардың кең көлемдегі өндірісі және олардың экономиканың әртүрлі салаларында тез енгізілуі дәуірінің басталуы ретінде қарастырып отыр.

Бұған дейін Қытайда роботтар басқа роботтарға арналған бөлшектер шығара бастағанын жазған едік.

Сондай-ақ Қытайдың адам бейнесіндегі роботтары әлемдік нарықты жаулай бастағанын жаздық.