Қытай Қызыл теңіздегі өз танкерлерінің өтуіне қатысты хуситтермен келісімге келді

Йемендік хуситтер Қызыл теңіздің оңтүстік бөлігіндегі танкерлер блокадасынан Қытай үшін ерекше жағдай жасады. Бұл туралы алты дереккөзге сілтеме жасаған Reuters агенттігі хабарлады, деп жазады Tengrinews.kz.

Йеменде өткен келіссөздерде Бейжің хуситтерден өз танкерлерінің қауіпсіз өтуіне тікелей кепілдік беруді сұраған, деп хабарлайды дереккөздер. Олардың арасында Иранның жоғары лауазымды шенеунігі де бар.

Сауд Арабиясының терминалдарынан Қытайға экспортталатын мұнай Қызыл теңіздегі Баб-эль-Мандеб бұғазы арқылы еш кедергісіз өтетін болады.

Агенттіктің хабарлауынша, қазірдің өзінде төрт танкер Сауд Арабиясының порттарынан шикі мұнай тиеп алып, Қытайға бет алған. Кемелер хуситтер шектеу қойғаннан кейін Баб-эль-Мандеб арқылы транзитпен өткен.

Қытай шенеуніктері әр кемені хуситтермен бірге жеке-жеке тексерген және екі тарап та Тегеранға өз әрекеттері туралы хабарлаған. Бұл туралы Reuters агенттігіне аймақтағы екі шенеунік мәлімдеді.

Хуситтер 20 шілдеде блокада жариялап, Иранмен соғыста АҚШ пен оның одақтастарына қарсы жаңа майдан ашты. Олар Таяу Шығыстан тыс нарықтарға энергия ресурстары мен басқа да тауарларды тасымалдайтын танкерлерге шабуылдарын күшейтті.

Google News арқылы жаңалықтарымызды қадағалаңыз