Р. Ердоған Израильді айыптады

Газа секторында бейбіт тұрғындардың өлімі тыйылар емес. Израиль оқ атпау режимін сақтамай отыр. Түркия президенті Режеп Тайип Ердоған Тель-Авивті осылай деп айыптады.

Оның сөзіне қарағанда екі жақ бейбіт келісімге келгелі жүздеген палестиналықтың өмірі қиылды. «Ал ХАМАС уағдаласқан бойынша талаптарды мейлінше орындап келеді», – дейді Түркия басшысы.

Тараптар 10 қазанда бейбіт келісімге қол қойды. Рейтер агенттігінің дерегі бойынша содан бері 354 палестиналық бақилық болған.