Ресей Запорожьедегі перзентханаға соққы жасады, зардап шеккендер бар Украина билігі

Украинаның Запорожье қаласында перзентханаға соққы жасалды. Униан порталының алдын ала мәліметі бойынша, шабуыл салдарынан кемінде алты адам жарақат алған, олардың арасында медициналық тексеруден өтіп жатқан екі әйел бар.

Бұл туралы Запорожье облыстық әскери әкімшілігінің басшысы Иван Федоров Telegram желісінде хабарлады. Оның айтуынша, перзентханаға жасалған соққы – соғыстың бейбіт өмірге, адам өміріне қарсы бағытталғанын тағы бір мәрте көрсетеді.

Өңір басшысы медициналық мекемеге қандай қарумен шабуыл жасалғанын нақтыламады. Алайда бұған дейін қалаға «шахед» типтес дрондармен әуе шабуылы жасалып жатқаны хабарланған. Кейінірек Федоров Запорожьеде дронмен жасалған кезекті жарылыс болғанын, оның салдарынан төрт жастағы бала мен екі әйел жарақат алғанын мәлімдеді. Қалада әуе дабылы жалғасып жатыр, тұрғындарға қауіпсіз орындарда болу ескертілді.