Роза Рымбаеваның жастық шағындағы сирек видеосы тарады

Әлеуметтік желілерде Халық әртісі, әнші Роза Рымбаеваның жастық шағындағы сирек видеосы тарады, – деп жазды Aikyn.kz.

Бейнежазбада көптеген әнші Роза Рымбаеваның жанында тұрғанын көруге болады. Желі қолданушылары жастық шақ туралы ән шырқаған Халық әртісінің сымбаты мен талантына сүйсінді. Сонымен бірге даусымен қатар, сахналық мәдениетімен де ерекшеленген дара тұлға екенін айтып жатыр.

«Қайран, жастық шақ- ай! Қазір де әдемі ғой, бірақ жастық шаққа не жетсін! Керемет», «Фигурасында мін жоқ», «Жастық шағындағы Рымбаева нағыз сұлулықтың үлгісі», «Сахнада қандай жарасымды, қандай нәзік көрінеді», «Қай жылдар екен, шіркін жастық шақ», -  деп жазды желі қолданушылары.

Айта кетейік, жақында Роза Рымбаева сахнада жүргеніне елу жыл толғанына орай жеке шығармашылық кешін өткізді.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.