Сарапшылар қонақүйлердегі ең тітіркендіргіш қонақтарды атады

Қызметкерлерге дөрекілік көрсету, түнде шулау және таң атпастан жағажайдағы орындықтарға сүлгі тастап иеленіп алу - қонақүйлердегі ең жағымсыз әдеттер. Этикет бойынша сарапшы Уильям Хэнсон саяхатшылардың ең жиі жіберетін қателіктерін және олар айналасындағылардың демалысын қалай бұзатынын айтып берді, - деп хабарлайды Tengri Travel тілшісі Daily Express-ке сілтеме жасап.

Қызметкерлерге дөрекілік көрсету, түнде шулау және таң атпастан жағажайдағы орындықтарға сүлгі тастап иеленіп алу - қонақүйлердегі ең жағымсыз әдеттер. Этикет бойынша сарапшы Уильям Хэнсон саяхатшылардың ең жиі жіберетін қателіктерін және олар айналасындағылардың демалысын қалай бұзатынын айтып берді, - деп хабарлайды Tengri Travel тілшісі Daily Express-ке сілтеме жасап.

Қонақүй келушілері мен қызметкерлерін не тітіркендіреді

Hotels.com сауалнамасының нәтижелеріне сәйкес, респонденттер қонақүй этикетін бұзудың ең басты түрі деп қызметкерлерге дөрекі қарауды есептейді. Екінші орында тым шулы қонақтар тұр: бұл дәліздерде қатты сөйлесу, түнде немесе таң ертең қойылатын музыка және айналасындағыларға кедергі келтіретін басқа да әрекеттерге қатысты.

Сондай-ақ, ең жағымсыз әрекеттердің қатарына нөмірді брондау кезінде адам санын қате көрсету, ішімдікті шектен тыс тұтынып, өзге демалушылардың мазасын алу, сонымен қатар бөлмелерде темекі немесе электрон темекі шегу енді.

Күтпеген заңбұзушылықтар

Рейтингтің кейбір тармақтары өте ерекше болып шықты. Мысалы, ең орынсыз әдеттердің бірі ретінде нөмірдегі кофеқайнатқышқа іш киім мен басқа да жеке заттарды жуу аталды. Сондай-ақ қонақүйден келушілерге арналмаған заттарды алып кету әрекеттері де наразылық тудырады.

Бұдан бөлек, саяхатшылар "швед үстелі" жүйесі бойынша таңғы асқа кезексіз өтетіндерге, сондай-ақ бассейн немесе жағажайдағы орындықтарға сүлгілері мен жеке заттарын қалдырып, оларды ұзақ уақыт босқа иеленіп қоятындарға ренжиді.

Тізімге бассейн жанында портативті колонкалармен музыка тыңдайтындар, қонақүй мейрамханасындағы үстелге үй жануарларын әкелетіндер немесе тек ересектерге арналған бассейндерге балаларын ертіп келетіндер де кірді.

Антирейтингке тағы қандай әдеттер енді?

Зерттеуге қатысушылар басқа да кең таралған заңбұзушылықтар ретінде кетер кезде бөлмені тым шашып кетуді, қосымша қонақтарды жасырын орналастыру әрекеттерін, қонақүйдің ортақ аймақтарында тек халатпен немесе пижамамен жүруді, уақытылы шықпауды және бөлмеге қызмет көрсетілгеннен кейін дәліздерде қалдырылған қоқыстарды атады.

Сондай-ақ балконға су киімдерді жайып қою, тұрып кеткеннен кейін пікір қалдырмау және қонақүй қызметкерлеріне дөрекілік таныту да екіұдай реакция тудырады.

Сонымен қатар, көптеген саяхатшы өздерін сыпайы қонақ санайтынын мойындайды. Зерттеу мәліметтеріне сәйкес, сауалнамаға қатысқандардың 90 пайызы айналасындағыларға құрметпен қарайтынына сенімді. Алайда респонденттердің 39 пайызы кейінгі жылдары адамдардың саяхат кезінде бір-біріне деген құрметі азайған деп есептейді.

Қай елдің туристері ең сыпайы саналады?

Сонымен қатар саулға қатысушылар ең тәрбиелі саяхатшылары бар елдерді де таңдады.

Үздік үштік келесідей:

1-орын: Жапония (жақсы мінез-құлықтың нағыз үлгісі). 2-орын: Швеция. 3-орын: Ұлыбритания (сауалнамаға қатысқан ұлыбританиялықтар бұл дауысты өздеріне берген).

Антирейтингтің басында АҚШ саяхатшылары тұр - олардың жүріс-тұрысы ең көп сынға ұшырады. Тізімдегі дөрекілер қатарында америкалықтардан кейін бірден Германия азаматтары орналасты.

Неге жақсы әдеп туристің өзіне тиімді?

Этикет бойынша сарапшы Уильям Хэнсон қарапайым ережелерді сақтау тек айналасындағыларға емес, саяхатшының өзіне де көмектеседі деп санайды.

Оның айтуынша, кішігірім құрмет белгілері демалысты айтарлықтай жайлы ете алады: сервистің сапасын жақсартуға, жанжалдардан аулақ болуға және жалпы сапардан жағымды әсер қалдыруға ықпал етеді.

Бұл пікірмен Hotels.com саяхат бойынша сарапшысы Мелани Фиш те келіседі. Ол мінез-құлықтағы тіпті шағын өзгерістердің демалыс сапасына айтарлықтай әсер ететінін атап өтті.

Оның ойынша, саяхатшылар қонақүйлер туралы пікірлерді мұқият зерттеп, сапарларды жайлы ғана емес, сонымен қатар тиімді етуге көмектесетін адалдық бағдарламаларын пайдалануы керек.

Google News арқылы жаңалықтарымызды қадағалаңыз

Жазылу