Сауд Арабиясы әуедегі 15 ұшқышсыз ұшу аппараты мен баллистикалық зымыранды атып түсірді

Сауд Арабиясы Қорғаныс министрлігі елдің әуе кеңістігінде баллистикалық зымыран мен 15 ұшқышсыз ұшу аппаратының жойылғанын мәлімдеді, – деп хабарлайды Aikyn.kz сайты.

Министрліктің X әлеуметтік желісіндегі парақшасында жарияланған мәлімдемеде елдің шығыс аймақтарына бағытталған жаңа дрон шабуылдарының алдын алу мүмкін болғаны айтылған.

Хабарламада шығыс өңірде 15 ұшқышсыз ұшу аппаратының әуе қорғанысы жүйелері арқылы жойылғаны, бірақ олардың қайдан ұшырылғаны туралы ақпарат берілмегені көрсетілген.

Сондай-ақ мәлімдемеде баллистикалық зымыран Сауд Арабиясының оңтүстік-шығысындағы Эль-Хардж провинциясы бағытында анықталып, әуе қорғанысы құралдарымен жойылғаны айтылған.

Зымыранның кейбір сынықтары Принц Султан авиабазасы маңына құлағанымен, ешқандай зақым тіркелмегені атап өтілді.

Өз кезегінде Сауд Арабиясының Азаматтық қорғаныс бас басқармасы елдің оңтүстік-шығысындағы Эль-Хардж провинциясында шабуыл қаупіне байланысты дабыл сиреналары қосылғанын хабарлады.