Сенат Құрылыс кодексі мен Банктер туралы заңды Мәжіліске қайтарды

Кеше Сенат депутаттары пленарлық отырыста еліміздің Құрылыс кодексін және «Қазақстан Республикасындағы банктер және банк қызметі туралы» заңдарға түзетулер енгізіп, Мәжіліске кері қайтарды, деп хабарлайды Egemen.kz.

Құрылыс кодексінің негізгі мақсаты – архитектура, қала құрылысы және құрылыс саласындағы заңнаманы жаңарту, сондай-ақ халықтың қауіпсіз өмір сүру ортасын қалыптастыру. Маңызды жаңалықтардың бірі − нысандарды жобалау барысында сейсмикалық микроаудандау карталарын міндетті түрде пайдалану.

Өнеркәсіп және құрылыс вице-министрі Қуанышбек Қажкеновтың айтуынша, Қазақстан аумағының 45%-ы сейсмоқауіпті аймақтарда орналасқан.

«Осыны ескере отырып, Құрылыс кодексінде сейсмикалық қауіпсіз құрылысқа арналған бөлек бағыт қарастырылды. Бұл бағыт аясында сейсмотұрақты жүйелерді жаңғырту, сынақтар жүргізу және сейсмикалық микроаудандау карталарын әзірлеу көзделген. Олар жобаларды, бас жоспарларды және детальды жоспарлау кезеңінде қолданылады. Сейсмоқауіпті аумақтарда тұрғын және қоғамдық нысандарға арналған арнайы сейсмоқорғау аймақтары құрылатын болады», деді ол.

Қазіргі таңда мұндай карталар тек Алматы қаласында бар, ал басқа өңірлер үшін енді әзірленіп жатыр.

Сонымен қатар сенаторлар «Банктер және банк қызметі туралы» заңды және оған қатысты қаржы нарығын реттеу мен дамыту, байланыс және банкроттық мәселелерін реттейтін заңды қарады. 

Жалпы, сенаторлар келесі мақсаттарға бағытталған заңдарды қолдады:

банктік жүйенің тұрақтылығы мен ашықтығын арттыру;

салымшылар мен қарыз алушылардың құқықтарын қорғау;

цифрлық қаржы құралдарын дамыту;

алаяқтыққа қарсы күресті күшейту;

қаржы нарығына деген сенімді арттыру.

Алайда мұқият қарастыру барысында сенаторлар кейбір баптарға жаңа талаптарды енгізуді ұсынды.

Лицензиялау және банктерге қойылатын талаптар бойынша олар базалық және әмбебап банктік лицензия моделдерін енгізуді ұсынды. Белгіленген актив шегінен асып кетсе, банк пруденциялық нормативтерді сақтай отырып, базалық лицензияны әмбебап лицензияға ауыстыруға немесе активтерді қысқартуға міндетті болады. Сондай-ақ исламдық банктер мен резидент емес исламдық банктердің филиалдарының қызметіне біртекті тәсілдер бекітіліп, инвестициялық қызметке қатысты ережелер де нақтыланды.

Тұтынушылардың құқықтарын қорғау және ашықтықты қамтамасыз ету үшін сенаторлар банктік қарыздарға алынатын комиссияларды заңда қарастырылған мөлшерден артық ала алмайтынын нақтылады. Жеке тұлғаларға берілетін банктік қарыз бойынша фиксирленген сыйақы мөлшерін біржақты өзгертуге тыйым салынды. Сонымен қатар азаматтардың қарыздарын сотқа дейін шешу кезінде банктік, сақтандыру және микроқаржы қызметтері бойынша бірыңғай қаржы омбудсмені офисі құрылды.

Антифрод және цифрлық қауіпсіздік аясында банктер клиент алдындағы жауапкершілікті қабылдайды және аударма алаяқтық белгілері бар антифрод орталық базасында тұрған тұлғаға жасалса, қаражатты қайтаруға міндетті. Жеке тұлғалармен банктік қарыз келісімдерін қашықтан биометриялық аутентификациясыз жасауға тыйым салынды. Сонымен қатар бақылау, ерте тәуекелді анықтау және ақпарат қауіпсіз алмасу үшін «мәлімет витринасын» қалыптастыру талаптары енгізілді.

Әлеуметтік және төлем құралдарын қорғау мақсатында төтенше жағдайдан зардап шеккендерге арналған төлемдерге және банкаралық және карточкалық төлемдерді қолдауға арналған қаражатты тәркілеуге тыйым салынды.

Соңғы жаңалықтар

Астанада «Дипломат» тұрғын үй кешенінің жанында мейрамхана өртенді

Оқиға • Бүгін, 14:19

Антикадан Астанаға дейін: кітапханалар қалай жаңартылып жатыр?

Білім • Бүгін, 14:13

Ел тұрғындары баспана мен емделу бағытында БЖЗҚ-дан қанша трлн теңге алды?

Қаржы • Бүгін, 14:01

«Namys» спорттық сыйлығының жеңімпаздары анықталды

Спорт • Бүгін, 13:36

Елімізде педагогтердің құқығын бұзу фактілері үш есе азайды

Білім • Бүгін, 12:50

Сенат «Құрылыс кодексі» мен «Банктер туралы» заңды Мәжіліске қайтарды

Заң • Бүгін, 12:45

Түркістанда екі бала пиротехникадан зардап шекті

Оқиға • Бүгін, 12:33

Мемлекет басшысы Олжас Бектеновті қабылдады

Президент • Бүгін, 12:23

Инвесторлармен жұмыс істеу барысында қағазбастылыққа жол берген 326 шенеунік жазаланды

Заң • Бүгін, 12:20

Алматыда биыл 20 мыңнан астам жас жұмыспен қамтылды

Қоғам • Бүгін, 11:59

Мюнхеннен Бейжіңге бағыт алған ұшақ Алматыға шұғыл қонды

Оқиға • Бүгін, 11:52

Астанада «Соғым-FEST» жәрмеңкесі 5 күн бойы өтеді

Елорда • Бүгін, 11:40

2025 жылы Қазақстан спортшылары қандай жетістіктерге қол жеткізді?

Спорт • Бүгін, 11:30

Елімізде тоғыз банк тарату сатысында тұр

Банк • Бүгін, 11:21

Қонақ үйлер заманауи стандарттарға сай жаңартылады

Қоғам • Бүгін, 11:15

Барлық жаңалықтар