Шавкат Рахмоновтың әйелі бес жылға сотталды: 27 наурыз 2026, 14:01 жаңалықтар

Танымал спортшы Шавкат Рахмоновтың әйеліне қатысты сот үкімі шықты, - деп хабарлайды Tengrinews.kz тілшісі.

Танымал спортшы Шавкат Рахмоновтың әйеліне қатысты сот үкімі шықты, - деп хабарлайды Tengrinews.kz тілшісі.

Жамбыл облысының қылмыстық істер жөніндегі мамандандырылған ауданаралық соты Гүлайым Рахмоноваға қатысты істі қарады. Бұл іс абайсызда 2 адамның өліміне әкеп соққан жол ережесі қағидаларын бұзу дерегі бойынша қаралды.

Сот мәліметінше, 2025 жылы 27 шілдеде сағат 8:30 шамасында Р. Алматы-Екатеринбург тасжолында Toyota Land Cruiser көлігін тізгіндеген.

"Шаршаңқы күйдегі Р. жол ережесін бұзған, кейін көлікті басқара алмай, қарсы қозғалыс жолағына шыққан, осылайша көлік аударылған", - деп жазылған сот мәліметінде.

Салдарынан 2 жолаушы (айыпталушының досы мен әпкесі - еск.) қаза тапқан, айыпталушының өзі ауруханаға жатқызылған.

Гүлайым Рахмонованың кінәсі тараптардың айғақтарымен, сарапшылардың қорытындыларымен және істің басқа да материалдарымен дәлелденген. Жәбірленуші тарап оны кешіріп, талап арыз бермеген. Сот мәліметінше, Гүлайым Рахмонова кінәсін мойындамаған.

Айыпталушының 2-9 жас аралығындағы 4 баласы бар. Сот мұны істі жеңілдететін мән-жай ретінде таныды, ауырлататын жайттар анықталмаған.

Сот үкімімен Р. ҚК-нің 345-бабы 4-бөлігі бойынша кінәлі деп танылды. Оған 7 жыл мерзімге көлік басқару құқығынан айыра отырып, 5 жыл мерзімге бас бостандығынан айыру жазасы тағайындалды.

ҚК-нің 74-бабы 1-бөлігі бойынша жазаны өтеу 5 жылға кейінге қалдырылды. Үкім заңды күшіне енген жоқ.

Еске салайық, 2025 жылы 27 шілдеде республикалық маңызы бар Алматы-Екатеринбург тасжолының 299-шақырымында Toyota Land Cruiser 200 көлігінің жүргізушісі Қарағанды облысынан Алматы қаласына қарай келе жатып, тізгінге ие бола алмай, жол апатына ұшыраған еді.

Жол апаты салдарынан екі адам қаза тауып, екі адам ауруханаға жеткізілді.

Посмотреть эту публикацию в Instagram

Публикация от ЖАМБЫЛ ОБЛЫСЫНЫҢ ПОЛИЦИЯ ДЕПАРТАМЕНТІ (@zhambyl_police)

Бұған дейін Шавкат Рахмоновтың әйелі мен ұлы ауруханадан шығарылғаны хабарланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News