Шоттың да сұрауы бар

Енді банкте шот ашқанда адам өз ақшасын неге пайдаланатынын бірден көрсетуі керек. Ұлттық банк қабылдаған ережеге сәйкес, жеке шот ашу кезінде әрбір азамат арнайы өтінішке қол қояды.

Сурет: gov.kz

Егер шот жеке мақсатқа ашылса, ол «күнделікті өмірге арналған» деген санатқа кіреді. Яғни жалақы алу, зейнетақы түсуі, коммуналдық төлемдер жасау, дүкенде сауда жасау сияқты тұрмыстық істерге ғана қолданылады. Бұл шот арқылы бизнес жүргізуге, табыс табуға немесе кәсіби қызметтен ақша қабылдауға болмайды. Ұлттық банк осылайша жеке адамның ақшасы мен жұмыс арқылы табылатын кірісті шатастырмай, екі бөлек ұстауды көздеп отыр. Банк те, клиент те шоттың қандай мақсатта ашылғанын алдын ала біліп отырады. Егер адам банкке жеке тұлға ретінде шот ашса, ол шот арқылы кәсіпкерлік немесе кәсіби қызмет жүргізілмейді деп жазбаша түрде растауға тиіс. Сондай-ақ бұл шот өзін-өзі жұмыспен қамтығандарға арналған арнайы салық режімінде де пайдаланылмайтыны көрсетіледі. Мұның бәрі Ұлттық банктің 2025 жылғы 31 желтоқсанда қабылданған №111 қаулысына енгізілген.

Енді «Қарапайым дебет картамен не істеуге болмайды?» деген сұрақ туындайды. Жаңа ережеге сәйкес, егер банкпен бөлек келісім жасалмаса, жеке шот арқылы кәсіпкерлік қызмет жүргізуге, өзін өзі жұмыспен қамтыған ретінде табыс табуға, нотариус немесе адвокат ретінде жұмыс істеуге, атқарушылық құжаттар бойынша төлем қабылдауға, медиация арқылы дау шешуге, басқа да кәсіби қызмет түрлеріне тыйым салынады.

Ұлттық банк бұл өзгерісті «қиындату» емес, ақша қозғалысын ретке келтіру мақсатында енгізіп отырмыз дейді. Кейінгі жылдары көптеген азамат бизнеске қатысты төлемдерді жеке шот арқылы жүргізген. Бұл бақылауды қиындатады әрі салық салуда түсінбеушілік туғызады. Ережені бұзғандарға жауапкершілік болуы мүмкін, бірақ нақты қандай жаза қолданылатыны әзірге айтылған жоқ.

Көп адамды мазалайтын тағы бір сұрақ: бұрын ашылған шоттарға не болады? Бұл талап тек 2026 жылғы 11 қаңтардан кейін ашылатын жаңа шоттарға қатысты. Бұрыннан бар шоттарды жаппай қайта рәсімдеу міндеті жоқ. Дегенмен банк шоттағы операциялар кәсіпкерлікке ұқсап кетсе, оның мақсатын нақтылап сұрауы мүмкін.

Соңғы жаңалықтар

Жас жыршылар «Қырымның қырық батырын» жырлады

Мирас • Бүгін, 08:10

Бакуде ән салған Әміре

Тарих • Бүгін, 08:00

Қазақстан құрамасы Қысқы Олимпиада ойындарының ашылу рәсіміне қатысты

Спорт • Бүгін, 01:41

Алина Чистякова Қазақстан құрамасына алғашқы алтын медальді сыйлады

Жеңіл атлетика • Бүгін, 00:55

Қысқы Олимпиада ойындарының ашылу салтанаты басталды

Спорт • Бүгін, 00:25

Руслан Курбанов семсерлесуден Германиядағы әлем кубогінің жеңімпазы атанды

Спорт • Бүгін, 00:13

Қысқы Олимпиада-2026: Жарыс кестесі жарияланды

Спорт • Кеше

Алматыда жасырылған есірткі зертханасы әшкереленді

Есірткі • Кеше

Мықты теңге экономиканы неге қолдамайды?

Экономика • Кеше

Қазақстанның спорт қауымдастығы жаңа Конституцияны қолдауда біртұтас ұстанымын білдірді

Ата заң • Кеше

Мемлекет басшысы Пәкістанның Президенті мен Премьер-министріне көңіл айту жеделхатын жолдады

Президент • Кеше

Кәсіподақтар федерациясы Жаңа Конституция жобасын қолдау үшін қазақстандықтарға үндеу жасады

Қоғам • Кеше

Пәкістан астанасындағы мешітте жарылыс болып, 31 адам қаза тапты

Оқиға • Кеше

Атырау облысында бұзақылық дерегімен 121 адамға сот үкімі шықты

Аймақтар • Кеше

Түркістанда Димаш Құдайбергеннің продюсерлік «Voice Beyond Horizon» жобасы басталды

Өнер • Кеше

Барлық жаңалықтар