ШҚО да медицина саласының мамандары тапшы

Ауыл тұрмақ қалада дәрігер тапшы. Шығыс Қазақстан облысында осындай қажеттілік бар. Жергілікті билік мәселені шешу үшін, облыстық бюджеттен көтермеақы төлеу мәселесін қарастырып жатыр. 

Мұндай жоба бұрын соңды болмаған. Мәселен, «Дипломмен ауылға» бағдарламасы бойынша ауылға барған маманға жеңілдік те, көмек те бар. Ал қалаға жұмысқа келетіндерге түк жоқ. 

Осыны ескерген Шығыс Қазақстан облысы жергілікті қазынадан мамандарға 1 млн теңгеден бастап, 5 млн теңгеге дейін қаржылай көмек көрсетуді жоспарлап отыр. Жалпы өңірде 132 медицина қызметкері жетіспейді. Әсіресе Өскемен, Риддер, Серебрянск қалалары мен ірі кенттерде мәселе өзекті.  

Шағын қала Серебрянскдегі ауруханаға айналадағы тоғыз ауылдың халқы қаралады. Қала мен ауылдың тұрғындарына медициналық көмек көрсететін мекемеде жеті дәрігердің орны бос. Татьяна Сидорова денсаулығына байланысты, ауруханаға жиі келеді. Кейде өзіне қажет маманды таппай қалатынын айтады.Сырқатына ем іздеген зейнеткер облыс орталығына баруға мәжбүр. 

Татьяна Сидорова, қала тұрғыны:

- Мен бір жылда бірнеше рет маңайдағы қалаға баруға мәжбүр болдым.Такси қымбат, кейде жол жабық жатады. Окулист жоқ, лор жоқ, хирург енді ғана келіп жатыр. Балалалар дәрігерін табу да қиын.Соның бәрі болса анда-мында сабылмас едік.

Аурухана басшылығы бос жұмыс орындары жәрмеңкесінен қалмайды. Алайда Серебрянск қала мәртебесіне ие болғандықтан, жастарды ынталандыратын  бағдарлама болмай тұр. Әлеуметтік қолдау қарастырылмағандықтан мамандардың да келгісі жоқ.

Еркін Семейханов, қалалық аурухананың бас дәрігерінің міндетін атқарушы:

- Серебрянск қаласы қалалық статуста болғандықтан бізге ауылға дипломмен ауылға бағдарламасы әсер етпейді. Сондықтан үкімет тарапынан көтерме көмектер және льготный кредиттер солар қарастырылмаған сондықтан жас маманды тарту қиыншылық туыдарды.

Әзірге мемлекеттік көші-қон бағдарламасы демеу болып тұр. Марат Ахметов  Қызылорда облысынан келіп, қабылдау бөліміне дәрігер болып орналасты. «Маман жетпегендіктен кейде бесаспап болуға тура келеді», - дейді ол. Ересектерден бөлек,  нәрестелерге де көмек көрсетеді. Тиісті көтерме ақы алып, қазір пәтер қарастырып жатыр. 

Марат Ахметов, қабылдау бөлімінің дәрігері:

- Халқын да білемін, ауа райын да білемін. Отбасыммен келдім. Бала-шағам бәрі осында. Қызым мектепке орналасты, қазақ мектебінде оқиды, үлкен қызым Өскеменде студент.

Дегенмен бұл шаралардың барлығы маман тапшылығын толық жоюға жеткіліксіз. Сондықтан облыс басшылығы бұл мәселені тиімді шешу жолдарын қарастырып жатыр. 

Айнаш Қапанова, Облыстық  Денсаулық сақтау басқармасы басшысының орынбасары:

- Облыс әкімі мәслихат арқылы Өскемен қаласына және моноқалаларға келетін мамандарға бес миллион дәрігерлерге,бір миллион орта білімді медициналық қызметкерлерге берілгелі отыр бұл жоба қазіргі кезде талқыланып жатыр.

Облыста 44 жалпы практикалық дәрігер жетіспейді. Акушер гинекологтар да жоқтың қасы. Сарапшылардың пайымдануыша, өңірлік жаңа құжатты Әділет министрлігі мақұлдаса, алдағы уақытта медицина саласын кадрмен қамтуда үлкен өзгеріс болуы мүмкін.

Авторлары:Эльмира Ахметова, Жігер Бабаханов