Шри Ланкада тропикалық циклон салдарынан 212 адам қаза тауып, 218 адам із түзсіз жоғалды

Шри-Ланка тропикалық циклон Ditwah соққысынан кейін ауыр жағдайға тап болды, – деп хабарлайды Aikyn.kz

Reuters дерегінше, күшті жел мен толассыз жаңбыр салдарынан елдің бірнеше аймағында су тасқыны мен жер көшкіні болып, ресми дерек бойынша 212 адам көз жұмды, 218 адам із-түссіз деп танылды. Табиғи апат мыңдаған үйді жарамсыз етіп, шамамен бір миллион адамға әсер етті.

Билік 200 мыңнан астам адамды қауіпсіз аймақтарға шұғыл эвакуациялады. 1 275 уақытша баспана ашылып, құтқару жұмыстарына 24 мыңнан астам әскерилер мен құтқарушылар жұмылдырылды. Кей жерлерде бөгеттер бұзылып, судың күрт көтерілуі тікұшақпен және қайықпен эвакуация жасауға мәжбүр етті.

Электр және байланыс желілері істен шыққан, көптеген жолдар жабылған. Ел үкіметі халықаралық ұйымдармен бірге зардап шеккен өңірлерге жедел көмек жеткізуде. Құтқару жұмыстары қиын жағдайда әлі де жалғасып жатыр.