Шымкентте балық шаруашылығын технологиялық жаңғыртудың жаңа бағыттары айқындалды

Бүгін Шымкент қаласындағы «Түркістан сарайы» концерт залында Шымкент қаласы әкімдігі мен «Ауыл» партиясының ұйымдастыруымен I Халықаралық «AUYL INVEST FEST. Балық шаруашылығы - 2026» фестивалі өтті, деп хабарлайды Egemen.kz.

Ауқымды шараның басты мақсаты - Мемлекет басшысы Қасым-Жомарт Тоқаевтың ауыл шаруашылығын әртараптандыру және ауыл халқының табысын арттыру үшін тиімді бизнес бағыттарын енгізу жөніндегі тапсырмаларын іске асыру.​​​​​​​​​​Президенттің стратегиялық бағдарына сәйкес, индустриялық аквамәдениет ауыл экономикасын өркендетудің басты драйвері ретінде айқындалған.

Фестивальге Франция, Дания, Чехия, Ресей, Өзбекстан және Қырғызстаннан келген әлемдік деңгейдегі сарапшылар, Парламент депутаттары мен 1000-нан астам кәсіпкер қатысып, саланы шикізаттық бағыттан жоғары технологиялық индустрияға айналдыру жолдарын талқылады.​​​​​​​​Жиынның ашылуында Шымкент қаласы әкімінің орынбасары Айдын Кәрімов қаланың экспорттық логистикалық хаб ретіндегі әлеуетін таныстырса, ҚР Парламенті Мәжілісінің депутаты, «Ауыл» партиясының төрағасы Серік Егізбаев салаға қажетті заңнамалық өзгерістерді атап өтті.

​​​​​​

«Біз фермерлердің заманауи тұйық сумен жабдықтау қондырғыларына (УЗВ) көшуін қолдау үшін жүйелі құқықтық негіз қалыптастырып жатырмыз. Бұл - ауыл халқының табысын арттырудың төте жолы», деді С. Егізбаев.​​​​​

Форум аясында балық шаруашылығы Қазақстан экономикасының ең перспективалы драйвері екені дәлелденді. Мәселен, 2025 жылдың қорытындысы бойынша елімізде балық өнімдері нарығы 132 мың тоннағажетіп, бір жылда 29%-ға өскен. Дегенмен, сарапшылар ішкі нарықтың әлеуеті әлі де толық пайдаланылмай отырғанын айтады: Қазақстанда жан басына шаққандағы балық тұтыну жылына 7 кг құраса, ДДҰ ұсынған медициналық норма - 14,5 кг.

Бұл отандық өндірушілер үшін өсімнің үлкен кеңістігі бар екенін көрсетеді.​​​​Халықаралық сарапшылар Венсан Берже (Франция) мен Томаш Полицар (Чехия) еуропалық стандарттар бойынша форель мен көксерке өсіру тәжірибесімен бөліссе, даниялық «Aller Aqua» компаниясы жем тиімділігінің инновациялық шешімдерін ұсынды. Осы алаңда отандық және шетелдік мамандар арасында қызу тәжірибе алмасу жүріп, индустриялық аквамәдениетті дамытудың нақты жолдары талқыланды.

Әсіресе, балықтың аналық басын басқару, «балық мектептерін» ашу және агротуризмді дамыту жобалары кәсіпкерлердің үлкен қызығушылығын тудырды.​​​​​

Фестиваль қорытындысы бойынша қабылданған маңызды құжатта саланың 2030 жылға дейінгі даму картасы айқындалды. Негізгі мақсат – балық өсіру көлемін жылына 270 мың тоннаға, ал экспортты 181 мың тоннаға ($430 млн) жеткізу. Бұл міндеттерді орындау үшін мемлекеттік қолдау шаралары да күшейтілмек: 2026 жылы субсидиялар көлемі 5,3 млрд теңгеге жетті. Сонымен қатар, импортқа тәуелділікті жою үшін елімізде кемінде 5 балық азығын шығаратын зауытсалу, жабдықтарды 5-6%-бен жеңілдікпен кредиттеу және

«Балық шаруашылығы» мамандығына мемлекеттік гранттарды 400-гедейін ұлғайту ұсынылды.​​​​​​​​​​Шара соңында «AUYL INVEST FEST - 2026» қатысушылары балық шаруашылығын цифрландыру, «E-fish» жүйесін енгізу және браконьерлікпен күресті күшейту арқылы саланы ашық әрі табысты бизнес ортасына айналдыру туралы ортақ шешімге келді. Фестивальдің қорытынды Резолюциясы тиісті мемлекеттік органдар мен ҚР Үкіметіне жолданды.

Соңғы жаңалықтар

Қазақстан мен Өзбекстан мемлекеттерінің басшылары Бұхарадағы Ахуалдық орталыққа барды

Президент • Бүгін, 17:05

Шымкентте балық шаруашылығын технологиялық жаңғыртудың жаңа бағыттары айқындалды

Аймақтар • Бүгін, 16:55

Мемлекет басшысы мен Өзбекстан Президенті бейресми кездесу өткізді

Президент • Бүгін, 16:03

Қазақстанда негізгі ҰБТ-ға тіркелу басталады

Білім • Бүгін, 15:46

Волейболдан Қазақстан чемпионатының плей-офф матчтары «Барыс Аренада» өтеді

Спорт • Бүгін, 15:43

Қасым-Жомарт Тоқаев пен Шавкат Мирзиёев Бахауддин Нақышбанди мемориалдық кешеніне барды

Президент • Бүгін, 14:39

Мемлекет басшысы Қасым-Жомарт Тоқаев Өзбекстанға жұмыс сапарымен барды

Президент • Бүгін, 14:22

Ғылым қызметкерлері күні қарсаңында ғылыми онкүндік өз жұмысын қорытты

Ғылым • Бүгін, 13:31

Мемлекет басшысы белгілі ғалымдарды марапаттады

Президент • Бүгін, 12:33

«Ұстаз-блогер» Нұржан Смағұлов жауапкершілікке тартылды

Қоғам • Бүгін, 12:13

Бүгін еліміздің алты қаласында ауа сапасы нашарлайды

Ауа райы • Бүгін, 11:38

Алматыда ғалымдар марапатталды

Ғылым • Бүгін, 11:02

Қалдықты кәсіп көзіне айналдырды: Ауыл тұрғыны ерекше экологиялық жобаны іске асырды

Қоғам • Бүгін, 10:10

«Травиата» тағы да таңғалдырды

Театр • Бүгін, 09:55

Ырғақ пен сезім тоғысқанда

Өнер • Бүгін, 09:50

Барлық жаңалықтар