​СҚО дағы мектепте оқушы қыз сірке суынан уланды

Солтүстік Қазақстан облысы Айыртау ауданына қарасты Гусаковка ауылында оқу орнында болған оқиғадан кейін 16 жастағы мектеп оқушысы ауруханаға жатқызылды.

Алдын ала мәліметтер бойынша, 4 ақпан күні таңертең оқушы қыз сабаққа келіп, сыныптан әжетханаға сұранып шыққан. Оның қолында 70 пайыздық сірке суы құйылған шөлмек болған. Мектептің әжетханасында ол сұйықтықты ішіп қойған, салдарынан ауыр химиялық күйік алды.

Біраз уақыттан кейін мектеп қызметкерлері оқушыны ауыр жағдайда тауып алып, жедел жәрдем шақыртқан. Зардап шегуші шұғыл түрде аудандық ауруханаға жеткізілді, кейін санитарлық авиациямен Петропавл қаласына жеткізілді.

Қазіргі уақытта науқас облыстық балалар ауруханасында жатыр. Жағдайы ауыр деп бағаланып отыр.

Оқиғаның себебі анықталып жатыр. Жарияланым шыққан сәтте білім басқармасы мен құқық қорғау органдары тарапынан ресми түсініктеме берілген жоқ.

Анықтама үшін: Адам психологиялық дағдарысқа ұшырап, тығырықтан шығар жол таппай қиналған жағдайда мына нөмірлер бойынша тегін көмек ала алады:

Бүгін, 12:03