Талғардағы зорлау, адам өлтіру және бала ұрлау ісі: күдіктіге 11 бап бойынша айып тағылып отыр

Тергеушілер Талғарды дүр сілкіндірген оқиғаға қатысты істі аяқтады. Күдіктіге Қылмыстық кодекстің 11 бабы бойынша айып тағылған, - деп хабарлайды Tengrinews.kz тілшісі.

Тергеушілер Талғарды дүр сілкіндірген оқиғаға қатысты істі аяқтады. Күдіктіге Қылмыстық кодекстің 11 бабы бойынша айып тағылған, - деп хабарлайды Tengrinews.kz тілшісі.

Үш күдікті бар, екеуі кәмелетке толмаған

Адвокат Асылбек Абдраимовтың айтуынша, ол әріптесі Жандос Палмановпен бірге іс материалдарын зеттеуді бастаған.

"Барлық қажетті тергеу әрекеті мен сараптама аяқталды. Іс танысыу үшін тараптарға жіберілді", – деді адвокат.

Негізгі күдікті, Е.-ге Қылмыстық кодекстің 11 бабы бойынша айып тағылған:

99-бап, 2-бөлім, 7-тармақ – "Адам өлтіру, адамдар тобы жасаған"; 125-бап, 3-бөлім, 2-1-тармақ – "Кәмелетке толмағанды қатыстыру арқылы адам ұрлау"; 120-бап, 1-бөлім – "Зорлау"; 121-бап, 1-бөлім – "Жыныстық сипаттағы зорлық әрекеттер"; 190-бап, 3-бөлім, 4-тармақ – "Алаяқтық, адамдар тобы жасаған"; 147-бап, 5-бөлім – "Бостандықтан заңсыз айыру"; 149-бап, 2-бөлім – "Тұрғын үйге заңсыз кіру"; 115-бап – "Өліммен қорқыту"; 287-бап, 3-бөлім – "Қару-жарақты заңсыз жасау"; 288-бап, 1-бөлім – "Қару-жарақты заңсыз сақтау"; 132-бап, 4-бөлім – "Кәмелетке толмағанды қылмыс жасауға тарту".

Іс бойынша екі кәмелетке толмаған А. және К. да жауапқа тартылған. Оларға екі бап бойынша айып тағылған:

99-бап, 2-бөлім, 7-тармақ – "Адам өлтіру, адамдар тобы жасаған"; 125-бап, 3-бөлім, 2-1-тармақ – "Кәмелетке толмағанды қатыстыру арқылы адам ұрлау". Талғардағы адам өлтіру және бала ұрлау оқиғасы

Еске салайық, 6 қыркүйекте Талғар маңындағы Қызылқайрат ауылында жұртты дүр сілкіндірген қылмыс болды. Ер адам ауыл тұрғынын атып өлтіріп, оның кішкентай жиенін ұрлап кеткен. Кейінірек арнайы жасақ баланы құтқарып, анасымен қауыштырды. Күдікті ұсталды.

Сәриева оқиғаға қатысты бірнеше видео жариялап, кейбір деректерді нақтылады.

Видеода жәбірленуші Сәриеваның туған әпкесі екені, ал күдікті автосервис қызметкері екені айтылады. Бір ай бұрын ол әйелді зорлады деп айыпталған. Адвокаттың сөзінше, сол кезде полиция ешқандай шара қолданбаған. Кейін адвокат күйеуімен бірге күдіктіні ұстап, полицияға тапсырған, алайда келесі күні ол босатылған. Осыдан кейін ер адам Сәриеваның әпкесіне қоңырау шалып, қорқыта бастаған. Кейін ол әйелдің ағасының үйіне барып, оны атып өлтіріп, екі жасар баланы ұрлап әкеткен. Ағасы оқиға орнында қаза тапқан. Артында үш баласы мен жүкті әйелі қалды.

Ол баланы кепілде ұстап, полицейлер қуған кезде көлікті жардан аударып жіберген. Қыз жарақат алып, кейін оған ота жасалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!