Таяу Шығыстағы соғыс мұнай бағасын 100 долларға дейін жеткізуі мүмкін сарапшылар

Мұнай бағасы Таяу Шығыстағы қақтығысқа байланысты күрт қымбаттады, – деп хабарлайды Aikyn.kz сайты Reuters агенттігіне сілтеме жасап

Сарапшылардың мәліметінше, әлемдік нарықта мұнай бағасы шамамен 10%-ға өсіп, баррелі 80 доллар деңгейіне жетті. Егер аймақтағы әскери жағдай одан әрі шиеленіссе, мұнай бағасы 100 долларға дейін көтерілуі мүмкін.

Бағаның өсуіне Иран төңірегіндегі әскери әрекеттер мен мұнай тасымалына қауіп төнуі себеп болды. Әсіресе әлемдік мұнайдың шамамен 20 пайызы өтетін Ормуз бұғазы арқылы тасымалдың бұзылуы нарыққа қатты әсер етуде. Сарапшылардың айтуынша, бұл бағыт жабылса, әлемдік мұнай жеткізілімі миллиондаған баррельге қысқаруы мүмкін.

Сонымен қатар кейбір елдер мұнай қорын қайта есептеп, балама жеткізу жолдарын қарастырып жатыр. OPEC+ елдері өндірісті аздап арттыру туралы келісімге келгенімен, бұл шешім нарықты толық тұрақтандыруға жеткіліксіз болуы мүмкін.