Тестсіз ақ бәрі қалыпты еді : Рыбакина WTA ның жаңа талабына пікір білдірді

Sports.kz басылымының мәліметінше, Торонтода өткен баспасөз мәслихатында әлемнің екінші ракеткасы аталған жаңашылдыққа байыппен жауап берді.

"Бұл туралы не айтарымды білмеймін. Егер бізден осыны талап етсе, онда тапсырамыз. Мұндай тексерістің қажеті жоқ деп айта алмаймын, бірақ меніңше, осы уақытқа дейін мұндай тестсіз-ақ бәрі қалыпты болды. Дегенмен, егер оны тапсыру міндеттелсе, онда тапсырамыз", – деді Рыбакина.

WTA-ның жаңа саясатына сәйкес, спортшылар SRY генінің (ер адамның Y-хромосомасындағы ген) бар-жоғын анықтайтын бір реттік тесттен өтуі тиіс.

Егер теннисші тестілеуден өтуден бас тартса, оған тәртіптік жаза қолданылуы мүмкін.

Жаңа талап биылғы 1 шілдеден бастап күшіне енді.

Бұған дейін Арина Соболенко WTA енгізген гендерлік тестілеуден өтуге дайын екенін мәлімдеген болатын.