Тоқаев Таяу Шығыстағы ахуалға байланысты бірнеше елдің басшыларымен сөйлесті

Президент Қасым-Жомарт Тоқаев Қатар Мемлекетінің Әмірімен, БАӘ Президенті шейх Мұхаммед бен Заид Әл Нахаянмен телефон арқылы сөйлесті, деп хабарлайды Egemen.kz. 

Мемлекет басшысы Қасым-Жомарт Тоқаев шейх Тәмим бен Хамад Әл Тәнимен әңгімелесу барысында Таяу Шығыстағы ахуалды талқылады.

Президент аймақта қақтығыстың өршіп кеткеніне алаңдаушылық білдіріп, осынау күрделі кезеңде Әмір мен бауырлас Қатар халқына тілектес екенін айтты.

Шейх Тәмим бен Хамад Әл Тәни Қазақстанның ұдайы қолдауы үшін ризашылығын жеткізіп, екі ел арасындағы сан қырлы қарым-қатынасты достық және стратегиялық серіктестік рухында одан әрі нығайтуға ниетті екенін растады.

Қазақстан Президенті қасиетті Рамазан айында Қатар Әмірінің мемлекеттік қызметіне табыс, ал бауырлас Қатар халқына бейбітшілік пен бақ-береке тіледі.

Сонымен қатар, Мемлекет басшысы Қасым-Жомарт Тоқаев БАӘ Президенті шейх Мұхаммед бен Заид Әл Нахаянмен телефон арқылы сөйлесті.

Қазақстан Президенті Таяу Шығыстағы ахуалдың ушығуына алаңдаушылық білдіріп, Әмірліктердің басшылығы мен барша халқына шынайы құрметін, қолдауы мен тілектестігін жеткізді. Қасым-Жомарт Тоқаев қарулы қақтығыс барысында Біріккен Араб Әмірліктерінің азаматтық инфрақұрылымына зақым келгеніне қынжылатынын айтты.

«Қазақстан Біріккен Араб Әмірліктерін достас әрі бауырлас ел ретінде қарастырады, қажет жағдайда қал-қадерінше көмектесуге дайын», деді Қазақстан Президенті.

Мемлекет басшысы БАӘ азаматтық нысандарына, сондай-ақ Шығанақтағы басқа да елдерге жасалған шабуыл қатаң айыпталуы керек деп санайды. Шейх Мұхаммед бен Заид Әл Нахаян еліміздің қолдауын жоғары бағалап, қазіргі халықаралық дағдарысты еңсеруде көмек көрсетуге ықылас танытқаны үшін ризашылығын білдірді. Әңгімелесу барысында тараптар Қазақстан мен БАӘ арасындағы достық қарым-қатынас пен стратегиялық серіктестікті нығайтуға бейіл екенін растады. Сондай-ақ қасиетті Рамазан айында екі елдің халқына бейбітшілік пен бақ-береке тіледі.

Соңғы жаңалықтар

Белгілі ғалым тілге қатысты алып қашпа әңгімелерге сенбеуге шақырды

Қоғам • Бүгін, 20:55

Жетісуда 4546 құрт дайындалды

Аймақтар • Бүгін, 17:40

Бейбітшілік – әрбір баланың құқығы: Динара Закиева Иранда қаза тапқан оқушыларға көңіл айтты

Оқиға • Бүгін, 17:05

Елімізде киножобаларды іріктеу конкурсы басталды

Кино • Бүгін, 16:50

БАӘ-дегі Қазақстан елшілігі отандастарға көмек көрсетуге шақырды

Әлем • Бүгін, 16:24

Иранда Али Хаменеинің орнына уақытша көшбасшы тағайындалды

Әлем • Бүгін, 15:48

Қасым-Жомарт Тоқаев Иордания халқына қолдау білдірді

Президент • Бүгін, 15:29

Қазақстанның алты боксшысы Странджа кубогының алтын медалі үшін сынға түседі

Бокс • Бүгін, 14:35

Астанадағы әуежайда рейстер кестесі өзгеруі мүмкін

Елорда • Бүгін, 13:30

Астанада LRT жүйесі алдағы айларда іске қосылады

Елорда • Бүгін, 13:22

Шығыс өңірінде өткен ауқымды концертке 12 мыңнан астам адам жиналды

Қоғам • Бүгін, 12:00

Алғыс айту күні – бірлік пен ризашылықтың жарқын көрінісі

Мереке • Бүгін, 11:58

Оксана Тарабрина: Қазақ халқының дархан пейіліне ризамыз

Мереке • Бүгін, 11:50

Алғыс антологиясы: Мереке мәні неде?

Мереке • Бүгін, 11:35

Ирандағы мектепке жасалған шабуыл: қаза тапқан оқушылардың саны 150-ге жуықтады

Оқиға • Бүгін, 11:17

Барлық жаңалықтар