Трамп Батыс жағалау аннексияланса, Израильге қолдау көрсетуді тоқтататынын айтып қорқытты

АҚШ президенті Дональд Трамп Израиль оккупацияланған Батыс жағалауын аннексиялауға тырысса, АҚШ-тың барлық қолдауынан айырылатынын мәлімдеді.

Бейсенбіде жарияланған Time журналына берген сұхбатында ол араб елдеріне тиісті міндеттемелер алғанын атап өтті.

Кнесетте Батыс жағалаудағы Израиль заңнамасын қолдану туралы заң жобасын мақұлдау аясында Ақ үй Вашингтонның Газа соғысын тоқтату жөніндегі күш-жігеріне аннексиялау қадамдары қауіп төндіретінін анық айтты.

-Егер бұлай болса, Израиль АҚШ-тың барлық қолдауынан айрылады, - деді Трамп.

Дауыс беру кезінде Израильде болған АҚШ вице-президенті Джей Ди Вэнс аннексия болмайтынын мәлімдеп, кейбір парламент мүшелерінің бастамасын сынға алып, оны «ақымақ саяси айла» деп атады.

АҚШ Мемлекеттік хатшысы Марко Рубио аннексияға бағытталған қадамдар президенттің Газа соғысын тоқтату жоспарына қауіп төндіруі мүмкін екенін ескертті, оның ойынша бұл жоспар тұрақсыз атысты тоқтатуды қамтамасыз етеді.

Бұған дейін хабарлағанымыздай, заң жобасы бойынша алғашқы алдын ала дауыс беру сәрсенбіде өтті.

Израиль премьер-министрі Биньямин Нетаньяху кеңсесі дауыс беруді «қасақана саяси арандату» деп атады және «Ликуд» фракциясының қолдауынсыз бастама бойынша одан әрі ілгерілеу екіталай екенін мәлімдеді.

Израиль билігі бұған дейін аннексия туралы талқылауларды бірнеше батыс елдерінің Палестина мемлекетін тануға және Газа секторындағы атысты тоқтатуға қатысты реакциясымен байланыстырған.

Сонымен қатар, Америка Құрама Штаттары атысты тоқтату, тұтқын алмасу және мәйіттерді қайтаруды қамтамасыз ету мақсатында аймақтағы консультацияларды жалғастырып жатыр.

Осыған дейін Газадағы денсаулық сақтау саласын қалпына келтіруге 7 миллиард доллар қажет екені туралы жаздық.