Трамп Бейбітшілік саласындағы Нобель сыйлығын алмады, ол венесуэлалық әйелге берілді

Мачадо 2012 жылғы Венесуэла сайлауында президенттікке үміткер болды және 2014 жылы Николас Мадуро үкіметіне қарсы наразылық кезінде басты тұлға болды.

Биыл құрметті сыйлыққа 338 тұлға мен ұйым ұсынылды. Алайда соңғы бірнеше аптада Трампқа сыйлық беріле ме, жоқ па деген басты мәселе болды. АҚШ президентінің өзі «сыйлыққа лайық екенін және оны бермеу АҚШ-ты қорлау» болатынын бірнеше рет мәлімдеді.

Израиль-ХАМАС келісімінен кейін букмекерлік кеңселер Трамптың коэффициентін арттырды, бірақ лауреат туралы шешім келісім жасалғанға дейін қабылданған. Комитет Израиль-ХАМАС келісімінің 2025 жылғы лауреатты таңдауға «мүлдем әсер етпейтінін» атап өтті.

Естеріңізге сала кетейік, Нобель апталығы 6 қазанда басталды. Сол күні физиология және медицина саласындағы Нобель сыйлығы иммунитет жүйесін зерттеген ғалымдарға берілді.

7 қазанда АҚШ ғалымдарына физика бойынша Нобель сыйлығы берілді.

9 қазанда әдебиет бойынша Нобель сыйлығы венгр жазушысы Ласло Краснахоркайға берілді.

13 қазанда 1968 жылы Швеция банкі құрған экономика ғылымдары бойынша Альфред Нобель мемориалдық сыйлығының лауреаты белгілі болады.