Кіру
Жаңалықтар
Ауа райы
Магниттік дауылдар
Намаз уақыты
Қымбат металдар
Валюта конвертері
Кредит есептегіш
Криптовалюта бағамы
Жұлдыздар
Сұрақ - Жауап
Интернет жылдамдығын тексеріңіз
Қазақстан радиосы
Қазақстан телевизиясы
Біз туралы
Түркістан облысында кітапханасы бар екі жаңа мәдениет үйі ашылды
Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..
Осыған орай Сарыағаш және Келес аудандарында кітапханасы бар екі заманауи мәдениет үйі пайдалануға берілді. Ашылу салтанатына Түркістан облысының әкімі Нұралхан Көшеров қатысты.
«Мәдениет – ұлттың рухани тірегі әрі мемлекетіміздің айнасы. Түркістан облысы құрылғаннан бері өңірде 26 мәдениет үйі мен клубтың құрылысы аяқталды. Жаңа нысандар рухани өмірдің, шығармашылықтың және жастардың жан-жақты дамуының орталығына айналады», деді облыс әкімі.
Сарыағаш ауданына қарасты Тегісшіл ауылдық округінің Мәдениет ауылында 75 орындық мәдениет үйі мен кітапхана ашылды. Сонымен қатар облыстық бюджет есебінен құны 31 миллион теңгені құрайтын балаларға арналған спорттық-ойын алаңы салынды.
Сол күні Келес ауданының Жүзімдік ауылында да 149 орындық жаңа мәдениет үйі мен кітапхана пайдалануға берілді.
Облыс әкімінің айтуынша, өңірде мәдениет саласын дамытуға ерекше көңіл бөлінуде. Бүгінде Сарыағаш ауданында бес, ал Келес ауданында төрт мәдениет үйі пайдалануға берілген. Бұдан бөлек, биылғы жылдың соңына дейін Келес ауданында аудандық музейдің құрылысын аяқтау жоспарланып отыр.
Салтанатты рәсімнен кейін Нұралхан Көшеров ауыл ақсақалдарымен бірге жаңа нысандардың символикалық лентасын қиып, олардың ресми ашылуын өткізді.
Бұл тақырыптағы басқа жаңалықтар:
Көрілімдер:140
Бұл хабарлама дереккөзден мұрағатталған 10 Шілде 2026 23:59 
Ең көп оқылғандар
