Түркістанда жас мамандар жұмысқа қабылданды

Оқу-ағарту министрлігінің хабарлауынша, биылғы оқу жылында еліміздің мектептеріне 10 мыңнан астам жас маман жұмысқа қабылданған.

Олардың басым бөлігі жоғары оқу орнын мемлекеттік грантпен тәмамдап, оқу үлгерімі жоғары болған түлектер.  Сол жас мамандардың бір тобы бүгінде Түркістан қаласындағы «Келешек мектебінде» сабақ беріп жүр. Жаңашыл идеясы мен білімге құштарлығы бар ұстаздар жаңа буын оқушыларына заманауи әдістер арқылы сабақ өткізіп, мектеп өміріне серпін беруде.

Әр ханның тұсында өзінің кеңесшісі, жанында жырауы болған. Ол жыраулардың мақсаты не? Ханның билігін, ерлігін, батырларды дәріптеу.

Ұстаз болып, бала оқуды бала кезінен армандағандардың бірі - Бағжан Мақашев. Жас маман мұғалім болып мектепке биыл орналасқан. Қазір қазақ тілі мен әдебиеті пәнінен сабақ беріп, шәкірт тәрбиелеуде.

Бағжан Мақашев, қазақ тілі мен әдебиеті пәнінің мұғалімі:

- Қазақ тілі мен әдеибеті - бұл біздің ұлттық руханиятымыз, ұлттық кодымыз. Мұнда барлығы сақталған. Мемлекеттік тапсырыс бойынша грантта оқып, GPA балым 3,33-тен жоғары болғандықтан осы жерге конкурссыз іріктеуден өтіп, қазіргі таңда өз жұмысымды істеп жатырмын.

Ал Несіп Серікқызының мамандығы - биология пәнінің мұғалімі. Ол да жаңа оқу жылында конкурстық рәсімдеусіз жұмысқа қабылданған. Жас маман мол тәжірибе жинап, білікті ұстаз болуды армандайды.

Несіп Серікқызы, биология пәнінің мұғалімі:

- Біздің биология пәні бойынша түрлі эксперименттер жүргізуге препараттардың бәрі дайын. Біз тек қана үйрете берсек, оқушылар қабылдай берсе болды. Қазір мен жәй ғана педагог санатындамын ары қарай модераторды алып, одан кейін өсу.

Түркістан қаласындағы №32-ші жалпы білім беретін мектебі 2000 орынға лайықталған. Қазір мұнда 2100 бала білім алады. 172 мұғалім сабақ береді. Олардың 3/1 жас маман. Оқу ағарту министрлігінің 57-бұйрығына сәйкес, биыл бұл мектепке 19 жас маман жұмысқа орналасты.

Айгүл Бабашева, №32 жалпы білім беретін мектеп директоры:

- Олар мектепті жақсы оқып мемлекеттік грантты жеңіп алды. Одан кейін жоғарғы оқу орнын жақсы немесе үздік аяқтап келді. Бұл дегеніміз мамандардың педагогика саласына кездейсоқ келмегенін білдіреді. Жас мамандар өзгеріске өте бейім, әрбір толқынның өзінің қалдыратын ізі болады. Бұл біздің білім беру саласына жаңа өзгерістердің, жаңа бір ерекше креативті ойлардың келетініне сеніміз мол.

Жалпы жыл басынан бері осы жоба аясында Түркістан облысындағы білім беру ұйымдарына мыңнан аса жас маман жұмысқа қабылданған.

Авторлары: Жандос Жұмабек, Ерболат Әбіш