Түркістандағы 12 адамның қазасы: Өрттен аман қалғандардың жағдайы белгілі болды

Жетісай ауданының Алғабас ауылындағы екі қабатты жеке тұрғын үйдегі өрттің салдарынан екі ересек және бір бала ауруханаға жеткізілген, деп хабарлайды Egemen.kz.

Фото: Ашық дереккөз

Облыстық денсаулық сақтау басқармасының мәліметінше, үш адамның жағдайлары ауыр, бірақ тұрақты. Қазіргі таңда барлығы реанимация бөлімінде жатыр.

«Науқастарға интенсивті терапияның толық кешені жүргізіліп жатыр, олардың жағдайы салалық мамандардың толық бақылауында», делінген хабарламада.

Сонымен қатар облыстық денсаулық сақтау мекемелерінен қосымша мамандар тартылып, қажетті дәрі-дәрмекпен қамтамасыз етілген. Сондай-ақ, жедел медицина желісі бойынша күшейтілген жұмыс тәртібі енгізілгені хабарланды.