Түркия Қара теңізде сауда кемелерін қорғау тетігін әзірлеуді ұсынды

АСТАНА, 9 тамыз — Sputnik. Анкара Мәскеу мен Киевке Қара теңізде сауда кемелеріне жасалатын соққылардың алдын алуға мүмкіндік беретін механизм құруды ұсынды, деп мәлімдеді Түркия СІМ басшысы Хакан Фидан.

"Түркия Ресей мен Украинаға шабуылдарға жол бермеуге мүмкіндік беретін арнайы механизм құруды ұсынды", — деді ол Anadolu агенттігіне берген сұхбатында.

Оның айтуынша, Украинадағы қақтығыс біртіндеп азаматтық кеме қатынасы мен коммерциялық тасымалдарға қауіп төндіретін жағдайға ұласты.

"Біз тараптарға түрік кемелеріне немесе түрік иелеріне тиесілі кемелерге, сондай-ақ түрік экипажы бар кемелерге жасалған шабуылдардың біз үшін күрделі мәселеге айналып келе жатқанын ескертеміз", — деп атап өтті ол.

Түрік туы астында жүзген MV Güllük құрғақ жүк кемесі бір күн бұрын Новороссийск порты жағалауында дронның соққысына ұшырады.

Gemi Trafık реттеуші органы бұған Киевтің қатысы бар екенін атап өтті. Дүйсенбі күні көкөністер мен жемістер тиелген MV Reyhan Sarı кемесіне де дрондар шабуыл жасап, төрт адам зардап шекті.

Осыдан кейін Түркия коммерциялық кемелердің Дарданелл бұғазы арқылы Қара теңізге өтуін шектеді, ал түрік экспорттаушылары биліктен шабуылдардың жолын кесуді талап етті.