Ұлытау облысында Қазцинк 60 отбасыға пәтер берді

«Қазцинк» компаниясы Ұлытау облысы Жәйрем кентінде 60 отбасыға пәтер кілтін табыстады. 

Елді мекенде  компанияның негізгі бөлімшелерінің бірі – Жәйрем кен байыту комбинаты орналасқан. Жаңа баспана осы кәсіпорында жұмыс істейтін қарапайым еңбеккерлер мен әлеуметтік сала мамандарына берілді. 

Жәйрем кен байыту комбинатында 2 мыңға тарта адам еңбек етеді. Кәсіпорынның нәтижелі жұмысы осы жұмысшылардың әл ауқаты мен тұрмыстық жағдайына тікелей байланысты -дейді компания басшылығы. Кәсіподақ ұйымының ұсынысымен 60 пәтерлі үй бір жылдың ішінде салынды. Өндірістің алғы шебінде жүрген жұмысшылар жаңа жылды жаңа қоныста қарсы алады.

Тұрарбек Әзекенов, «Қазцинк» ЖШС Бас директорының кеңесшісі:

- «Казцинк» мұндай шараларды әрі қарай жалғастыра береді. «Казцинктің» негізгі ең алға қойған міндеті, құндылығымыз ол - өзіміздің жұмыс істеп жүрген ұжымның әлеуметтік жағдайы. Бүгінгі іс-шара соның нақты дәлелі деп айтуға болады.

Дастан Рыспеков, облыс әкімі:

- Бұл тұрғын үй бизнестің әлеуметтік жауапкершілігі мен жергілікті тақарушы органдардың жүйелі жұмыстарының нәтижесі. Осы орайда «Казцинк» компаниясына және кәсіпорынның жергілікті кәсіподағына Жәйрем кентінің дамуына қосып отырған үлесі үшін айрықша алғыс айтамын.

Пәтерлердің біразы комбинат жұмысшыларына пайызсыз, бөліп төлеу бағдарламасы бойынша берілді. Қалған 20 пәтерге әлеуметтік сала мамандары мен мемлекеттік қызметшілер қоныстанды. Баспаналы болғандардың бірі Жәудір Шербетова. Көпбалалы ана комбинатта әкімші, ал жолдасы көлік жүргізуші.

Жәудір Шербетова, «Жәйрем кен байыту комбинаты» АҚ жұмысшысы:

- 2016 жылдан үйде кезекте тұрамыз. Бүгін міне, сол күнге де жетіп жатырмыз. Қуаныштымыз. Әрине, «Казцинк» басшылығына алғысымыз шексіз. Осындай мүмкіндік сыйлап жатыр бізге. Бөліп төлеу арқылы алып жатырмыз. Ешқандай пайызы жоқ.

«Казцинк» компаниясы бизнестің әлеуметтік жауапкершілігі аясында  Жәйремде бірнеше әлеуметтік нысан салды.  Бұл жұмыстар алдағы уақытта да жалғасады- дейді компания өкілдері.

Авторлары: Елдос Кәкенов, Нұрлан Исмаилов